Congregatio de Causis Sanctorum 897

symbolum est Praelatorum ob mellis dulcedinem et ob aculei acerbitatem.

Utramque adhibeant necesse est Episcopi diversis in rerum adiunctis. Et-

enim, si Episcopus dulcedinem tantum exhibet, ab omnibus subditis despi-

cietur; si solummodo acerbitatem, contemnetur. Altera cum altera compona-

tur oportet ne molestia illis afferatur nec eorum animi irritentur. Interest ut

malum bono superetur et in regimine firma servetur dulcedo ».

Ille iugiter et in primis iustitiam quaesivit erga Deum, Ecclesiam et pro-

ximum: « Consilium suscipio memorandi semper Deum meum Creatorem et

coram Ipso constanter manendi per eiusdem adiutorium et favorem, Eum

diligens toto corde et meipsum, corpus scilicet, animam, vitam et omnia

impendens in Illius famulatum. Episcopi est causae Dei consulere, et pati

et laborare pro animabus ipsi a Domino creditis, et hoc quidem totam per

eius vitam ».

Temperantiam excoluit, castitatem, oboedientiam, et insuper prudentiam

in instrumentis magis idoneis ad propriam ceterorumque sanctificationem

seligendis.

Vixit et obiit in paupertate, quoniam ea quae possidebat in utilitatem

operum ecclesialium et in bonum pauperum distribuit, quibus inde a iuvenili

aetate inserviit. Quod ad paupertatem attinet, en eius sententia: « Episcopus

in Dioecesi sese habeat pauperrimum et pauperes sint uti veri eius domini ».

Eo ipso tempore quo mediam missionem pastoralem exsequebatur, morte

deprehensus est. Mense elapso quo innumeras paroecias visitaverat, die nem-

pe Pentecostes, quamvis florida valetudine non frueretur, Eucharisticum

Sacrificium sollemniter celebravit in Cathedrali templo Montis Faliscorum,

ad populum novissimam suam habens homiliam. Sequenti feria IV, die vide-

licet 26 mensis Maii anno 1706, animam Domino exhalavit, compluribus

circumdatus presbyteris.

Fama sanctitatis, qua vivens gaudebat, post pium obitum sequentibus

perstitit annis. Qua de re Episcopus Montis Faliscorum anno 1927 Causam

iniit beatificationis et canonizationis, instruens Processum Ordinarium Infor-

mativum. Exarata Positione, sessio Consultorum Historicorum acta est die 30

mensis Maii anno 2006. Postea factum est examen virtutum Servi Dei. Die 16

mensis Februarii huius anni 2007, prospero cum exitu, habitus est Congressus

Peculiaris Consultorum Theologorum. Die 5 sequentis mensis Iunii Purpurati

Patres et Episcopi, in Sessione Ordinaria congregati, edixerunt Cardinalem

Marcum Antonium Barbarigo theologales, cardinales eisque adnexas virtutes

heroico gradu excoluisse.