Congregatio de Causis Sanctorum 191

Servus Dei Iosephus Renatus Prenafeta, Sacerdos, ad vitam venit Illerdae

die 15 mensis Iunii anno 1903. Religiosa oritur vocatio ex eius naturali indole,

quoniam ipse inde a puero ad res sacras pronum se praebebat. Admissus est

in conventum loci El Olivar ubi anno 1920 Deo per religiosa vota se conse-

cravit. Celsonae anno 1926 sacro insignitus est presbyteratus ordine. Sese

gerebat severum, operosum, observantem ac corde mitem. Ob condicionem

religiosae consecrationis die 16 mensis Augusti anno 1936 in suburbiis Barci-

nonis martyrio occubuit.

Servus Dei Antonius González Penin, Frater, in oppido San Salvador de

Rabal, provinciae Auriensis, ortum habuit die 1 mensis Martii anno 1864.

Religiosam vestem assumpsit qua frater apud sodales excalceatos Ordinis

de Mercede, in pago Toro anno 1887. Ad religiosa vota admissus est anno

1888. Anno 1896 transiit ad ramum Ordinis de Mercede fratrum calceatorum,

et ingressus est conventum loci El Olivar. In communitate officium coqui

fideliter exsequebatur. Plurimis vexatus tormentis, Barcinone die 10 mensis

Augusti anno 1936 per martyrium Domino animam reddidit.

Servus Dei Thomas Campo Marı́n, Sacerdos, vitam incohavit in oppido

Mahamud, provinciae Burgensis, die 23 mensis Ianuarii anno 1879. Ingressus

est in conventum loci El Olivar anno 1895, ubi sequenti anno professionem

nuncupavit. Sacerdos ordinatus est anno 1902. In religiosa provincia munera

implevit magistri noviciorum et superioris in variis domibus. Ardenti, laeta

ac proba indole erat praeditus. Ferventi excelluit amore erga Eucharistiam

et Beatissimam Virginem Mariam. Variis diebus inter horrenda tormenta

comprehensus, tandem die 20 mensis Augusti anno 1936 martyrii palmam

accepit.

Servus Dei Franciscus Llagostera Bonet, Sacerdos, primum vidit lumen

Valli, provinciae Tarraconensis, die 30 mensis Augusti anno 1883. Ordinatus

est presbyter anno 1911 tamquam dioecesanus; pastorale ministerium exer-

cuit in variis paroeciis dioecesis Barcinonensis. Ordinem de Mercede ingressus

est apud conventum Sancti Raimundi anno 1923, ubi anno 1924 religiosis

votis se constrinxit. Simul cum pluribus aliis sacerdotibus et religiosis, apud

coemeterium Illerdense interemptus est noctu inter dies 19 et 20 mensis

Augusti anno 1936.

Servus Dei Serapion Sanz Iranzo, Frater, vitam iniit die 1 mensis No-

vembris anno 1879 in loco Muniesa, provinciae Terulensis. Ingressus