Acta Apostolicae Sedis - Commentarium Officiale304

ACTA CONGREGATIONUM

CONGREGATIO DE CAUSIS SANCTORUM

SANCTI CHRISTOPHORI DE HABANA

Beatificationis et Canonizationis Servi Dei Felicis Francisci Iosephi Mariae a

Conceptione Varela Morales, Sacerdotis dioecesani (1788-1853)

DECRETUM SUPER VIRTUTIBUS

«Miles Iesu Christi esse volo. Cordi est mihi non homines perdere, sed

animas salvare ».

Haec a Servo Dei Felice Francisco Iosepho Maria a Conceptione Varela

Morales mox quattuordecim annos nato coram familiares effata verba

omnem eius summopere informant conversationem, cui, licet inter angustias

ac difficultates, fidelis semper adhaesit. Praecelsae, enim, eius indolis facul-

tates super humanas Cubanae historiae res eminent, sicut et praeclarae

probitatis dotes necnon christianae et sacerdotales virtutes. Iter eius vitae

tempora terrarumque emensum est locos, quos imae illae civilis cultus et

societatis rerumque publicarum conversiones, magnis praesertim impellenti-

bus in Civitatibus Foederatis Americae Septentrionalis et in Gallia gestis

perturbationibus, distinguunt.

Habanae die 20 mensis Novembris anno 1788 natus, Servus Dei septimo

die post ad baptismalem fontem ductus est. Primam infantiam in insula

Cuba degit, quae tunc pars erat Regni Hispaniae. Anno autem 1794, mortua

matre vacanteque patre, qui exercitus hispanici erat centurio, parvulus Felix

patruum quendam secutus est in civitate Sancto Augustino in Floridae di-

cione, quae etiam provincia erat Hispaniae. Post aliquot annos, patre quoque

vita functo, Servus Dei, cui revera fulgidus iam paratus erat cursus honorum

castrensis, vocationem ad sacerdotium anteposuit insequendum, quam

ceterum inde a pueritia animadverterat. Proinde, urbem Habanam repetiit,