Congregatio de Causis Sanctorum 323

autem exuviae eius translatae sunt in Venticani ecclesiam. Fama sanctitatis

eius semper augebat, maxime inter iuvenes, quibus Rachel exemplum vitae

piae et fidelis Deo est. In nomine eius multa opera aedificata sunt pro

pauperibus in variis locis orbis terrarum.

Propter hanc sanctitatis famam, apud Curiam Archiepiscopalem Bene-

ventanam a mense Decembri anno 1958 ad mensem Aprilem anno 1961 ha-

bitus est Processus informativus; ab anno 1959 ad annum 1960 Processus

rogationales in dioecesibus aliis acti sunt. A die 7 mensis Decembris anno

1991 ad diem 8 mensis Aprilis anno 1995 habita est Beneventana Inquisitio

dioecesana, cuius iuridicam auctoritatem Congregatio de Causis Sanctorum

agnovit Decreto die 16 mensis Februarii anno 1996. Parata Positione, Con-

gressus Peculiaris Consultorum Theologorum positivo cum exitu habitus est

die 19 mensis Novembris anno 2010. Patres Cardinales et Episcopi in Sessione

Ordinaria die 3 mensis Aprilis anno 2012 congregati, coram me, Card. Angelo

Amato, S.D.B. praesidente, audita relatione Ponentis Causae, Exc.mi D.ni

Laurentii Chiarinelli, Episcopi emeriti Viterbiensis, edixerunt Servam Dei

Rachelem Ambrosini theologales, cardinales eisque adnexas virtutes heroi-

cum in modum excoluisse.

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Sanctitas Sua,

vota Congregationis de Causis Sanctorum excipiens rataque habens, hodierno

die declaravit: Constare de virtutibus theologalibus Fide, Spe et Caritate tum

in Deum tum in proximum necnon de cardinalibus Prudentia, Iustitia, Tempe-

rantia et Fortitudine iisque adnexis, in gradu heroico, Servae Dei Rachelis

Ambrosini, Christifidelis Laicae, in casu et ad effectum de quo agitur.

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 10 mensis Maii A.D. 2012.

Angelus Card. Amato, S.D.B.

Praefectus

L. e S.

e Marcellus Bartolucci

Archiep. tit. Mevaniensis, a Secretis