Acta Apostolicae Sedis - Commentarium Officiale314

Hi duo testes fidei apud domum Monialium Sancti Dominici vicarialem

Quedianensem convenerint, ubi Pater Raimundus Castaño ministerium suum

exercerbat. Huc die 1 mensis Iulii anno 1936 Pater Iosephus Maria González

Solı́s pervenerat, ut quietem caperet propter infirmam valetudinem et exer-

citia spiritualia praedicaret. In hoc tempore autem persecutio contra religio-

nem adeo saeviore impetu ad immanitatem incesserat, ut Servi Dei et com-

munitas ipsa religiosa magno metu mortis opprimerentur. Nam, die 25

mensis Augusti, comprehensi sunt et Flaviobrigam deportati; dein, paucis

post diebus, in actuariam erecti ad ripam fluminis loci religatam, iugibus

subiecti sunt vexationibus, humiliationibus atque iniuriis, quas pro defenden-

da fide fortiter tulerunt. Noctu inter dies 2 et 3 mensis Octobris anno 1936,

persecutores eos super pontem navigii pertraxerunt et plumbis transfode-

runt. Cadavera sepulta sunt intra muros coemeterii civici Sancturcensis

et die 18 mensis Novembris anno 1938 in mausoleum Visus Laeti in vico

Derio transposita, ubi eorundem exuviae adhuc requiescunt in exspectatione

resurrectionis.

Servi Dei iam inde a die natali ab omnibus tamquam martyres fidei habiti

sunt eorundem martyrii fama in annos corroborata est, cum relationes con-

captivorum provulgatae sunt. Quapropter apud Curiam Episcopalem Flavio-

brigensem, a die 1 mensis Iunii anno 1960 ad diem 24 mensis Novembris anno

1961, Processus Ordinarius super martyrio Servorum Dei celebratus est,

cuius auctoritas et vis iuridica a Congregatione de Causis Sanctorum Decreto

diei 10 mensis Octobris anno 1997 probatae sunt.

Positione confecta, iuxta suetum morem, die 4 mensis Septembris anno

2009, Congressus Peculiaris Consultorum Theologorum factus est, in quo

prospero cum exitu disceptatum est an Servorum Dei mors verum martyrium

fuisset. Patres Cardinales et Episcopi se congregaverunt in Sessione Ordinaria

quam ego, Card. Angelus Amato, S.D.B., praesedi die 21 mensis Februarii

anno 2012, audita relatione Excellentissimi ac Reverendissimi Domini

Xaverii Echevarrı́a Rodrı́guez, Episcopi titularis Cilibiensis, Causae Ponen-

tis, agnoverunt supradictos Servos Dei ob fidelitatem erga Christum et

Ecclesiam confessam verum martyrium in odium fidei passos esse.

De hisce omnibus rebus, referente infrascripto Cardinale Praefecto, certior

factus, Summus Pontifex Benedictus XVI, vota Congregationis de Causis

Sanctorum excipiens rataque habens, hodierno die declaravit: Constare de

martyrio eiusque causa Servorum Dei Raimundi Ioachimi Castaño González et