Acta Apostolicae Sedis - Commentarium Officiale320

operam navavit, ut communitates ab ipsa institutae mutua caritate et pecu-

liari cordium conciliatione servitium praestarent. Conversatio eius sincera

voluntatis Patris inquisitione per spiritualem moderationem cotidianumque

occursum Iesu in Eucharistia et assiduam orationem innisa est.

Mense Augusto anno 1883, Serva Dei duabus Sororibus auxilio accurrit,

quae cuidam aegrotae mente captae admodum exagitatae assidebant.

Attamen infirma, improvise ad eam conversa, Matrem Mariam Iosepham

vehementissime sauciavit. Haec, vero, posthabitis ictibus, Beatissimae

Virgini Mariae omnino confisa, nullo modo sese quicquam pensi habuit et

mulierem illam sociasque Sorores tantum curare voluit; sed e vulneribus in eo

susceptis facinore die 30 mensis Octobris anno 1883 in Domino quievit, ita ut

eius vita verum illius sententiae «maiorem hac dilectionem nemo habet, ut

animam suam quis ponat pro amicis suis » (Gv 15, 13) fuerit testimonium.

Ob eius sanctitatis famam, qua iam ex longo tempore Serva Dei frueba-

tur, Causa Beatificationis et Canonizationis apud Curiam Archiepiscopalem

Matritensem instructa est per celebrationem Inquisitionis dioecesanae a die

21 mensis Iunii anno 1991 ad diem 7 mensis Iulii anno 1992, cuius auctoritas

et vis iuridica a Congregatione de Causis Sanctorum die 8 mensis Ianuarii

anno 1993 probatae sunt. Positione confecta, die 9 mensis Octobris anno

2001, in Congressu Peculiari Consultorum Historicorum pro eorum compe-

tentia, et, die 8 mensis Februarii anno 2011, in Congressu Peculiari Consul-

torum Theologorum prospero cum exitu disceptatum est, iuxta consuetudi-

nem, an Serva Dei more heroum virtutes christianas exercuisset. Patres

Cardinales et Episcopi in Sessione Ordinaria diei 6 mensis Martii anno

2012, audita relatione Eminentissimi ac Reverendissimi Domini Antonii Car-

dinalis Cañizares Llovera, Causae Ponentis, professi sunt Servam Dei virtutes

theologales, cardinales iisque adnexas in modum heroum exercuisse.

Facta demum de hisce omnibus rebus Summo Pontifici Benedicto XVI

per infrascriptum Cardinalem Praefectum accurata relatione, Sanctitas Sua

vota Congregationis de Causis Sanctorum excipiens rataque habens, hodierno

die declaravit: Constare de virtutibus theologalibus Fide, Spe et Caritate tum in

Deum tum in proximum, necnon de cardinalibus Prudentia, Iustitia, Tempe-

rantia et Fortitudine iisque adnexis in gradu heroico Servae Dei Mariae Iosephae

a Sanctissimo Sacramento (in saec.: Mariae Iosephae Recio Martı́n), Fundatri-

cis Sororum Hospitalariarum a Sacratissimo Corde Iesu, in casu et ad effectum

de quo agitur.