Congregatio de Causis Sanctorum 321

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 10 mensis Maii A.D. 2012.

Angelus Card. Amato, S.D.B.

Praefectus

L. e S.

e Marcellus Bartolucci Archiep. tit. Mevaniensis, a Secretis

BENEVENTANA

Beatificationis et Canonizationis Servae Dei Rachelis Ambrosini, Christifidelis

Laicae (1925-1941)

DECRETUM SUPER VIRTUTIBUS

« Paratum cor meum, Deus, paratum cor meum, cantabo et psallam.

Euge, gloria mea! Exsurge, psalterium et cithara, excitabo auroram »

(Ps 108, 2-3).

Servae Dei vita brevis Rachelis Ambrosini est in laudem Domini: illa, « a

mane », vultum Amati quaesivit et caritate magnifica perfectaque amplexa

est eum.

Serva Dei die 2 mensis Iulii anno 1925 nata est in Passo Dentecanis,

Abellini parva fractione. Postea, die 7 mensis Novembris baptizata est in

ecclesia Annuntiationi Virginis dicata. Familia eius dives erat et non sine

firmis christianis praeceptis: in ea «Rachelina » recte adolevit, etiam ob

matris profundam pietatem erga Virginem Mariam, quam illa prece Sancti

Rosarii semper invocabat. Hanc pietatem accepit, quae a pueritia solebat

vocare magno cum amore Matrem Dei.

In itinere educationis, sacramenta primae Confessionis et primae Eucha-

ristiae magnae gravitatis fuerunt, quae illa laeto fervore et conscientia vixit.

Etiam educatio eius cum diligentia aucta est iuxta scholae disciplinam. Se