Congregatio de Causis Sanctorum 317

Praeter apostolicum apud Magnum Opus ab ipso profusum laborem atque

suipsius plenam et benignam oblationem secundum dioecesim, navam inter

dioeceses sive in patria sive ubique per orbem diffusas exercuit actuositatem.

Servus Dei, enim, doctrinae christianae praeceptorum in universa Archidioe-

cesi summa alacritate instauravit enarrationem et totam Hispaniam peragra-

vit, ut institutorum et scholarum eorumque docendi rationum certiorem se

faceret; anno 1927 ab Alfonso rege XIII in audientiam acceptus est, qui

Magnum Opus de Atocha cum regina Victoria Eugenia vixdum visitaverat;

variis, insuper, Congressibus interfuit, in quos periti sive ex tota Hispania

sive undique ex mundo conveniebant. Institutum saeculare Filiarum a

Nativitate Beatae Mariae Virginis fundavit, quod, anno 1951 probatione

dioecesana ac die 1 mensis Novembris anno 1977 pontificia recognitione

receptis, originali missionario mandatui concors, operam institutionis perse-

verans per omnia territoria Americae dimanavit, ubi Servus Dei ipse adfuit,

ut novas constitueret fundationes.

Morbus, vero, qui iam inde a pueritia Balthasarem prostraverat et diuti-

nis ieiuniis obstrinxerat, ab octava ineunte vicesimi saeculi decade valde in

dies recrudescere incepit. Die 19 mensis Februarii anno 1963, Servus Dei

pergravi cerebrali embolia correptus est et die 3 sequentis mensis Martii pie

in Domino quievit. Innumeri exsequiis interfuerunt, clerus et populus fidelis,

testimonium praebentes sive affectus erga « bonum pastorem » illum sive

ipsius etiam sanctitatis, qua vivus iam succinctus fuerat.

Ob eius sanctitatis famam Causa Beatificationis et Canonizationis apud

Curiam Archiepiscopalem Compostellanam instructa est per celebrationem

Inquisitionis dioecesanae a die 19 mensis Decembris anno 1996 ad diem 30

mensis Novembris anno 2001, cuius auctoritas et vis iuridica a Congregatione

de Causis Sanctorum die 4 mensis Aprilis anno 2003 probatae sunt. Positione

confecta, die 6 mensis Novembris anno 2010, in Congressu Peculiari Consul-

torum Theologorum prospero cum exitu disceptatum est, iuxta consuetudi-

nem, an Servus Dei more heroum virtutes christianas exercuisset. Patres

Cardinales et Episcopi in Sessione Ordinaria diei 21 mensis Februarii anno

2012, audita relatione Eminentissimi ac Reverendissimi Domini Velasii

Cardinalis De Paolis, Causae Ponentis, professi sunt Servum Dei virtutes

theologales, cardinales iisque adnexas in modum heroum exercuisse.

Facta demum de hisce omnibus rebus Summo Pontifici Benedicto XVI

per infrascriptum Cardinalem Praefectum accurata relatione, Sanctitas Sua

vota Congregationis de Causis Sanctorum excipiens rataque habens, hodierno