Congregatio de Causis Sanctorum 307

Iosephi Mariae a Conceptione Varela Morales, Sacerdotis dioecesani, in casu et

ad effectum de quo agitur.

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 14 mensis Martii A.D. 2012.

Angelus Card. Amato, S.D.B.

Praefectus

L. e S.

e Marcellus Bartolucci Archiep. tit. Mevaniensis, a Secretis

VICARIATUS APOSTOLICUS MENDEZENSIS

Beatificationis et Canonizationis Ven. Servae Dei Mariae Troncatti, Sororis

professae e Congregatione Filiarum Mariae Auxiliatricis (1883-1969)

DECRETUM SUPER MIRACULO

Venerabilis Serva Dei Maria Troncatti in vico v.d. Córteno Golgi in

provincia et dioecesi Brixiensi die 16 mensis Februarii anno 1883 nata

est. Cum in sui tutelam venerit, Institutum Filiarum Mariae Auxiliatricis

ingressa est et anno 1908 vota perpetua pronuntiavit. Totius mundi bello

grassante, muneribus infirmorum ministrae et dominae a Cruce Rubra pro

sauciis reficiendis Varaginis intra muros Valetudinarii Castrensis functa est;

dein, Niciam missa, tamquam infirmorum ministra et catechista inserviit,

cuicumque operi et labori in magna communitate Domus Matris Instituti

exercendo semper prompta. Anno 1922, ad postulatum ab ipsa iam novitiatu

exeunte delatum, in Aequatoriam per Amazoniae orientalis silvae recessus

missa est, ubi varia medicinae opitulationisque gessit officia atque inde-

fessam in catechesi tradenda et praesertim in enixa ac peculiari orphanorum

aegrotorumque derelictorum et puerorum, quos saepius atroces lues