Congregatio de Causis Sanctorum 319

Serva Dei die 19 mensis Martii anno 1846 Granatae in Hispania nata est e

modesta familia christianis mandatis penitus informata. Biduo post ad rege-

nerationis fontem paroeciae Sanctorum Iusti et Pastoris Martyrum ducta est.

Patre orbata, iuvenis Iosepha artem didicit sartricis, qua familiae subvenire

valuit. Laborem etiam exercuit apud domos insignium quarundam civitatis

dominarum, quae, cuius iucundam ac benignam, simplicem et honestam

indolem pietati moribusque exemplaribus coniunctam pernoscebant, opera

caritatis conficienda eidem commiserunt, ut auxilium sive singulis sive

familiis suppeditaret.

Anno 1864, Iosepha nupsit et coniugium matrimoniale muliebri devotio-

nis obsequio ac profunda fide vixit, quibus conversioni mariti valde profuit

eumque in intimiore consuetudine filiali cum Deo paulatim excolenda

adiuvit. Post tria matrimonii quinquennia, numquam maternitatis laetitia

cohonestata, vidua facta est.

Anno 1871, cum Maria ab Angustiis Giménez Vera iunxit amicitiam, quae

in sodalitium spirituale valde profecit eamque propioris communionis cum

Deo instaurandae affecit beneficio. Haec, enim, propositum suum ei ostendit

sese omnino Domino consecrandi vitamque religiosam amplectendi, necnon

et institutum pro operibus caritatis fundandi, quibus confisis Serva Dei

reddidit: «Minime vero! his noli credere, quia, donec tecum non essem, haec

haud impetrabis ».

Sancto Benedicto Menni, presbytero ex Ordine Hospitalario Sancti Ioan-

nis de Deo utriusque moderatore spirituali, duce, ambae amicae verbis pan-

derunt quam putabant voluntatem esse Dei atque, ipso docente, adeo in

spirituali perfectione caritatisque actuositate processerunt, ut post tempus

discriminis, consilium Dei inquirentes, superatis reluctationibus, benigne in

urgentias concederent mente captos suscipiendi et curandi ac, die 31 mensis

Maii anno 1881, Congregationem Sororum Hospitalariarum a Sacratissimo

Corde Iesu ad hoc Ciemposuelii simul fundarent, sub Beatae Mariae Virginis

Dominae Nostrae a Sacratissimo Corde Iesu caelesti praesidio.

Maria Iosepha Recio Martı́n simplicitate et proximitate omnium

atque summa in humillimis abditissimisque laboribus sui abnegatione,

immolationis spiritu et miro materni erga aegrotas mente captas officii

testimonio usque ad extremum periculum vitae eminuit. Spiritualitatem con-

templativam vixit, quae eam adduxit, ut omnibus in rebus hominibusque

praesentiam inquireret ac reperiret Dei, quem suipsius cordis fecit radicem.

Tamquam consecrata et prima Superiorissa Congregationis, sedulissimam