Congregatio de Causis Sanctorum 899

Augustini studio vacare perrexit. Cum autem pater ipse de vita decessisset,

sorores anno 1789 Florentiam reverti habuerunt, Oblatarum Sancti Augusti-

ni Collegium iterum ingredientes. Deinde vero, cum ambae intimo Magnae

Ducis servitio eiusque liberis instituendis addictae fuissent, in eiusmodi offi-

cio permanentes, Leopoldum Archiducem, qui interea Caesaream dignitatem

adeptus erat, comitatae, anno 1790 Vindobonae fuerunt. Posthac anno 1792

eaedem Mariam Annam Archiducem, quae Francisci II, novelli Caesaris,

soror erat, Pragam comitatae sunt; ibique Ancilla Dei ad apostolicam navi-

tatem et benefica opera se contulit. Cum autem ad sacram conversationem

capessendam divino quodam instinctu sese vocari agnosceret, ea, quaecum-

que Pater Nicolaus Paccanari sibi proponebat, amplexa, una cum sorore

ipsaque Archiduce « Dilectas Iesu », quae ad instituendum incumberent, con-

didit. Hac porro sodalitate cum « Ancillis Cordis Iesu » coniuncta (in hoc enim

eius pietatis magister excitaverat), anno 1799 orta est « Societas Dilectarum

Iesu ». Hic mos erat mulieribus, novellae eiusmodi religiosae familiae mem-

bris, ut, sese Domino tamquam victimas mancipantes, in saeculi abdicatione,

in oboedientia, in temporaria denique castitatis professione semet obligarent.

Leopoldina autem, paucis diebus postquam in Antistitam electa est, quod

antea votum castitatis nuncupaverat, eo in perpetuum se Domino adstrinxit;

eaque, dum magno studio in perfectionem contendit, inter ceteras Sorores

eminuit.

Napoleone autem castra movente, Serva Dei, Padua, quo ipsa una cum

sodalibus sedem collocaverat, profecta, in Pontificiam Civitatem demigravit,

primum Lauretum, postea Spoletum, postremo vero Romam, quo tandem

pervenit anno 1801. Ibique cum regularem vitam ipsa condere potuisset,

eadem moderante, Institutum, domibus additiciis in Gallia et in Anglia erec-

tis, propagatum est. Mox vero, ob difficiles et acerbos casus, quos Pater

Nicolaus Paccanari passus est, Gallicae « Dilectae », cum a Romanis sodalibus

discessissent, duce Sancta Magdalena Sophia Barat, Societatem a Sacratissi-

mo Corde Iesu instituerunt. Serva autem Dei primum anno 1805 Paduae,

deinde vero Venetiis degit; postremo, cum Veronam anno 1807 demigrasset,

annos aliquot eadem Sanctae Magdalenae a Canossa, eo ipso tempore bene-

ficum opus pro puellis pauperibus molienti, studium praestavit.

Post religiosa Instituı́a dimissa, quod quidem Caesareum decretum, anno

1810 latum, sanxerat, Ancilla Dei, quo certior fieret quid agendum esset,

Pium Papam VII, eo tempore Savone exsulantem, adivit, qui eam per Apo-

stolicam Benedictionem in incepto confirmavit. Anno autem 1811 eadem

Sancto Gaspari Bertoni, tamquam suae conscientiae moderatori, se tradidit,

eoque ductante, quam ipsa religiosam sodalitatem instituerat, amplius firma-

vit. Itaque brevi factum est ut Leopoldina « Servas a Sacra Familia » (pos-