Acta Apostolicae Sedis - Commentarium Officiale900

terius « Sorores a Sacra Familia ») anno 1816 in oppido Cittadella publice

conderet. Quod quidem Institutum, Ignatiana pietate notatum, eo praecipue

spectabat, ut sodales, aevum a saeculo remotum exigentes, sanctimonia de-

corarentur, sed etiam ut puellis, tam nobili, quam paupere loco genitis, eru-

diendis operam daretur.

Fortissima femina, dum caelestibus rebus contemplandis deditam vitam

ad actionem sapienter accommodat, virtutis suae exemplo ceteris Sororibus

praelucens, easdem ad sanctitatem trahebat. Quae, cum sibi conscia esset se

ad « laudandum colendumque » Deum Eique « deserviendum » natam esse,

mandatis Eius ad unguem servatis, cunctas virtutes studiose, assidue, delec-

tabiliter exercuit. Quaecumque vera divinitus revelata sunt, credidit; Eccle-

siae disciplinae prorsus obtemperavit. Misericordia Domini sine intermissione

confisa, suas in spiritualibus filias eo impellebat, ut « contra omnium spem

sperarent », id vero non suorum meritorum, sed divinae bonitatis intuitu.

Suam ipsa pietatem aluit oratione et devotione, qua erga Eucharistiam et

Beatissimam Virginem flagravit. Caritate Dei percita, semetipsam totam

proximis obtulit. Insuper quosdam, a fide remotos, exemplo ac disciplina

ad bonam frugem reduxit eademque in pauperes bene liberalis fuit.

Quae fidelis Serva Dei, sive Institutum gubernaret, sive rem cum Sorori-

bus haberet, misericors, prudens, iusta evasit. In multis calamitatibus obeun-

dis fortis fuit, eaque, licet illis temporibus Ecclesia multis excruciaretur an-

gustiis, placidam constantiam servavit. Praeterea eadem summa modestia

vestiebatur, quippe quae, ne tum quidem, cum Caesareas aulas frequentavit,

umquam effusiore cultu allecta, sobrium et umbratilem victum, cuius ipsa

imaginem animo conceperat, usque servasset. Inde ab ineunte aetate cum

huius saeculi bona et gloriam calcaret, quidquid ipsa habebat, illud in bene-

fica opera promovenda convertebat. Suae conscientiae moderatoribus et Ec-

clesiae praepositis paruit; conspicua denique castitate praestavit.

Mense autem Octobri anni 1833 eius valetudo gradatim in peius verti

coepit, morboque ultra ingravescente, sequenti anno, die vero 17 mensis

Augusti, lectissima virgo Sponsum suum Christum assecuta est.

Pervagatae famae sanctitatis intuitu, Veronensis Episcopus Causae bea-

tificationis et canonizationis initium fecit per Processum Ordinarium, qui ab

anno 1971 ad annum 1973 conditus est. Cuius validitatem Congregatio de

Causis Sanctorum ratam duxit per decretum die 7 mensis Ianuarii anno 1994

latum. Positione confecta, more tralaticio disceptatum est num Dei Famula