Acta Apostolicae Sedis - Commentarium Officiale194

MATRITENSIS

Canonizationis Beatae Mariae a Monte Carmelo (in saec.: Mariae a Monte

Carmelo Sallés y Barangueras), Fundatricis Sororum Immaculatae Conceptionis

pro instructione puellarum (1848-1911)

DECRETUM SUPER MIRACULO

Beata Maria a Monte Carmelo (in saeculo: Maria a Monte Carmelo Sallés y

Barangueras) Vicensi in urbe (prope Barcinonem, in Hispania) die 9 mensis

Aprilis anno 1848 nata est e familia penitus christiana. Vocationem ad vitam

consecratam praesentiens, in novitiatum ingressa est Religiosarum Adoratri-

cum Sanctissimi Sacramenti et Caritatis in regione Barcinonis v. Gracia

appellata. Haec peculiaris eucharistica Congregationis indoles spiritalem

illustrat descriptionem Beatae, necnon filialem devotionem erga Immacula-

tam Conceptionem, in cuius mysterii lumine exigentiam perspexit operae

educativae suscipiendae pro infantia et sociali statu mulieris. Per iter spiri-

talis inquisitionis, Beata charisma intellexit quod Dominus ei tradiderat;

Burgi igitur anno 1892 Congregationem condidit Sororum Conceptionarista-

rum a Sancto Dominico (hodie Conceptionaristae Missionariae ab Institutio-

ne). Munus eius omnino conversum est ad sorores et laicas instituendas,

quibus educationem commisit novarum generationum. Beata, post Burgum,

scholas aperuit Segoviae, Matriti ac deinceps in Italia etiam et in Brasilia.

Hoc in fundationum itinere singulari eminuit liberalitate, firma fide atque

assidua oratione cotidiana. Contumeliis et infirmitatibus correpta, quas sem-

per admirabili sustinuit patientia, die 25 mensis Iulii anno 1911 Matriti pie in

Domino obdormivit. A beato Ioanne Paulo II die 15 mensis Martii anno 1998

in beatorum catalogum est relata.

Canonizationis intuitu, Postulatio Causae examini huius Congregationis

de Causis Sanctorum coniectam praebuit miram sanationem puellae Mariae

Isabellae Gomes de Melo Gardelli. Eventus in urbe Sancti Pauli in Brasilia

mense Maio anno 2000 accidit. Maria Isabella, paulo ante quattuor annos

nata, miri status somni necessitatem ostendere coepit atque oris deformatio-

nem, paralysim faciei atque declinationem harmonicam dextrorsum. Iacuit

in valetudinario in quo examina in puella laesionem cerebri demonstrave-