Acta Apostolicae Sedis - Commentarium Officiale306

Exemplum fuit sacerdotis de salute animarum valde solliciti ac fervida

orationis vita ardentique erga Deum et proximum caritate profunde suffulti.

Exercitium cotidianum virtutum constans eius fuit conversationis calcar.

Praesentiam Domini Iesu inter populum assidue professus est, cuius indefesse

fovit profectum civilem et spiritualem, et enixam pro communitate christi-

fidelium aedificanda, omnibus benigne acceptis singulorumque recognitis

donis, navavit operam.

Adeo in annos multiplicatam venit in aestimationem, ut Vicarius Gene-

ralis dioecesis Neo-Eboracensis nominaretur et ad Tertium Concilium Catho-

licum Provinciale Baltimorense mitteretur. Molestiis respirationis admodum

laboratus, ultimos annos summa in paupertate degit, inter Novum Eboracum

et Floridam semper secundo requisito caelo discedens. In civitate Sancto

Augustino, ubi infantiam vixerat, die 18 mensis Februarii anno 1853 pie in

Domino quievit.

Ob eius sanctitatis famam Causa Beatificationis et Canonizationis apud

Curiam Archiepiscopalem Sancti Christophori de Habana instructa est per

Inquisitionem dioecesanam habitam a die 21 mensis Ianuarii ad diem

15 mensis Augusti anno 1996, cuius auctoritas et vis iuridica a Congregatione

de Causis Sanctorum die 6 mensis Decembris eiusdem anni probatae sunt,

sicut et, die 15 mensis Ianuarii anno 1999, Supplementum Inquisitionis apud

Curiam Episcopalem Bruklyniensem a die 22 ad diem 26 mensis Iunii anno

1998 apparatum.

Positione confecta, die 30 mensis Ianuarii anno 2001, Sessio Consultorum

Historicorum habita est. Die 13 mensis Decembris anno 2011, in Congressu

Peculiari Consultorum Theologorum prospero cum exitu disceptatum est,

iuxta consuetudinem, an Servus Dei more heroum virtutes christianas exer-

cuisset. Patres Cardinales et Episcopi in Sessione Ordinaria diei 6 mensis

Martii anno 2012, audita relatione Excellentissimi ac Reverendissimi Domini

Sigismundi Zimowski, Archiepiscopi-Episcopi emeriti Radomensis, Causae

Ponentis, professi sunt Servum Dei virtutes theologales, cardinales iisque

adnexas in modum heroum exercuisse.

Facta demum de hisce omnibus rebus Summo Pontifici Benedicto XVI

per infrascriptum Cardinalem Praefectum accurata relatione, Sanctitas Sua

vota Congregationis de Causis Sanctorum excipiens rataque habens, hodierno

die declaravit: Constare de virtutibus theologalibus Fide, Spe et Caritate tum in

Deum tum in proximum, necnon de cardinalibus Prudentia, Iustitia, Tempe-

rantia et Fortitudine iisque adnexis in gradu heroico Servi Dei Felicis Francisci