Congregatio de Causis Sanctorum 901

virtutes in gradu heroico exercuerit. Hinc primum Historici Consultores, cum

die 5 mensis Novembris anno 1996 convenissent, suam favorabilem aperuere

sententiam, deinde vero die 22 mensis Iunii anno 2006 Peculiaris Theologo-

rum Consultorum Congressus felici cum exitu habitus est. Postremo Purpu-

ratorum Patrum et Antistitum Sessio Ordinaria die 20 mensis Martii anno

hoc 2007 vertente, gesta est et, audita relatione Exc.mi D.ni Salvatoris Boc-

caccio, Frusinatensis-Verulani-Ferentini Episcopi, Causae Ponentis, agnovit

Leopoldinam Naudet, Dei Famulam, theologales et cardinales iisque adnexas

virtutes, heroico quidem in gradu, exercuisse.

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Sanctitas Sua,

vota Congregationis de Causis Sanctorum excipiens rataque habens, hodierno

die declaravit: Constare de virtutibus theologalibus Fide, Spe et Caritate tum in

Deum tum in proximum, necnon de cardinalibus Prudentia, Iustitia, Tempe-

rantia et Fortitudine, iisque adnexis, in gradu heroico, Servae Dei Leopoldinae

Naudet, Fundatricis Congregationis Sororum a Sacra Familia Veronae, in casu

et ad effectum de quo agitur.

Voluit autem Sanctitas Sua ut hoc decretum publici iuris fieret et in acta

Congregationis de Causis Sanctorum referretur.

Datum Romae, die 6 mensis Iulii A. D. 2007.

Iosephus card. Saraiva Martins

Praefectus

L. e S. e Michaël Di Ruberto

Archiep. tit. Biccarensis a Secretis

CALARITANA

Beatificationis et canonizationis Ven. Servae Dei Iosephinae Nicoli, Sororis Insti-

tuti Filiarum a Caritate (1863-1924)

DECRETUM SUPER MIRACULO

Venerabilis Serva Dei Iosephina Nicoli in vico Casatisma in provincia

Papiensi die 18 mensis Novembris anno 1863 nata est. Institutum Filiarum

a Caritate ingressa, magnam apostolatus sui partem in insula Sardinia, prae-