Congregatio de Causis Sanctorum 195

runt. Ex valetudinario dimissa est, sine adhibita cura pharmacologica atque

permanens in eodem statu neurologico quo in valetudinarium erat accepta.

Sic stantibus rebus mater puellae sorores adiit Conceptionaristas ut do-

lentem notitiam de Maria Isabella referret, nempe quod saltem per unius anni

spatium frequentare non posset scholam ab iisdem administratam. Modera-

trix eam consolare conata est eamque adhortata ut intercessionem beatae

Mariae a Monte Carmelo invocaret, cuius nomisma et parvam tradidit ei

imaginem; immo, sibi munus imposuit hortandi omnes infantes ut per noven-

diales supplicationes secundum hanc intentionem orarent. Inter quintum et

sextum diem supplicationum antequam puella physiotherapiam initiaret,

valetudo eius inopinate in melius rediit, quam secuta est absoluta signorum

morbi exstinctio atque functionum restauratio, sine ullo interventu therapeu-

tico, pharmacologico neque physico: puella ad normam loqui coepit atque

commode artus movere.

Congruentia temporis evidens apparuit inter invocationem ad Beatam

nec non sanationem Mariae Isabellae, quae nunc fausta fruitur valetudine

et apta exstat ad consuetam vitam.

De sanatione, quae mira est habita, Inquisitio dioecesana apud Curiam

ecclesiasticam Sancti Pauli in Brasilia a die 20 mensis Decembris anni 2006

ad diem 30 mensis Ianuarii anni 2007 est instructa, cuius iuridica validitas ab

hac Congregatione de Causis Sanctorum per Decretum die 25 mensis Ianuarii

anno 2008 est approbata. Coetus Medicorum Dicasterii in congressione die 30

mensis Iunii anno 2011 declaravit sanationem celerem, perfectam, constan-

tem et ex hodiernis scientiae legibus inexplicabilem fuisse. Die 8 mensis

Octobris anno 2011 Congressus habitus est Peculiaris Consultorum Theolo-

gorum. Patres Cardinales et Episcopi in Sessione Ordinaria die 6 mensis

Decembris anno 2011 se congregaverunt, Causae Ponente Excellentissimo

Domino Iusto Mullor Garcı́a, Archiepiscopo titulo Volsiniensi. Et in utroque

Coetu, sive Consultorum sive Cardinalium et Episcoporum, posito dubio an

de miraculo divinitus patrato constaret responsum affirmativum prolatum

est.

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Sanctitas Sua,

vota Congregationis de Causis Sanctorum excipiens rataque habens, hodierno

die declaravit: Constare de miraculo a Deo patrato per intercessionem Beatae

Mariae a Monte Carmelo (in saec.: Mariae a Monte Carmelo Sallés y Barangue-

ras), Fundatricis Congregationis Sororum Conceptionaristarum Missionaria-