Acta Apostolicae Sedis - Commentarium Officiale902

sertim in Archidioecesibus Calaritana et Turritana, egit pro bono iuvenum,

operariorum, pauperum, orphanorum et aegrotorum, varias suscitans operas

de sociali et christiano humillimorum omnium profectu summopere sollicita.

Plurimis difficultatibus reprehensionibusque obstitit. Die 31 mensis Decem-

bris anno 1924 pie in Domino quievit.

Summus Pontifex Benedictus XVI, die 28 mensis Aprilis anno 2006, Ser-

vam Dei virtutes theologales, cardinales et his adnexas heroico gradu coluisse

decrevit.

Beatificationis respectu, Causae Postulatio iudicio huius Congregationis

de Causis Sanctorum nuper assertam subiecit miram sanationem iuvenis mi-

litis Baptistae Colleoni, qui, mense Septembri anno 1933 ineunte, dolores

quosdam semper acriores a tergo animadvertere coepit. Paulo post, conflatio

in regione lumbosacrali laeva apparuit et, variis clinicis scrutationibus in

valetudinario Bergomensi peractis, diagnosis dicta est « inflammationis mus-

culi psoae cum effluvio puris tubercularis natura ».

Post aegrotum in Nosocomio Militari Mediolanensi receptum, visum est

primam conflationem a secunda costa usque ad verticem ilei laevum auxisse

cum ossi partibus erosione laboratis. Dicta est igitur diagnosis abscessus

frigidi ossifluentis praesumptae naturae tubercularis. Curae tantum ad punc-

turas pro evacuatione puris, ad iniectiones calcii in venas et ad supernutri-

catum contractae sunt. Prognosis vero infausta dicta erat.

Mensibus Novembri Decembrique anni 1933, valetudo iuvenis in gravius

ruit. Die 22 mensis Decembris, enim, aegrotus una cum Filiabus a Caritate

Nosocomii Militaris curae addictis divinum auxilium per intercessionem Ser-

vae Dei Iosephinae Nicoli invocare coepit. Quadriduo post, die scilicet 26

mensis Decembris, aegrotus repentinum habuit profectum condicionum

spontaneam ob puris efflationem ex abscessu. Febris ac dolores membrorum

recesserunt et, paucis post diebus, fı́stula ipsa usque ad sanationem coivit:

insequentia, enim, examina radiorum emissionis ope instructa completam

ostenderunt restitutionem ossi verticis ilei erosionis, nec postea pathologiae

reincidentia occurrit.

De hac mira aestimata sanatione annis 1934-1936 apud Curiam Archidioe-

cesis Mediolanensis Processus Ordinarius celebratus est, cuius auctoritas et

vis iuridica a Congregatione de Causis Sanctorum decreto diei 28 mensis

Septembris anno 1998 probatae sunt. Dicasterii Collegium Medicorum in

sessione diei 30 mensis Iunii anno 2005 dixit sanationem rapidam, comple-

tam, duraturam, sine postumis morbi signis et cum restitutione anatomica

cariei ossi verticis ilei laevi, quae fuit inexplicabilis secundum scientiam me-

dicam. Die 13 mensis Iunii anno 2006 Congressus Peculiaris Consultorum

Theologorum factus est et die 20 mensis Martii huius anni 2007 Sessio Ordi-