Acta Apostolicae Sedis - Commentarium Officiale196

rum ab Institutione, videlicet de celeri, perfecta ac constanti sanatione puellae

Mariae Elisabethae Gomes de Melo Gardelli a « estesa lesione ischemica cerebrale

vascolare su base verosimilmente infiammatoria ».

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 19 mensis Decembris A.D. 2011.

Angelus Card. Amato, S.D.B.

Praefectus

L. e S.

e Marcellus Bartolucci Archiep. tit. Mevaniensis, a Secretis

VENETENSIS

Beatificationis et Canonizationis Ven. Servae Dei Matris a Sancto Ludovico (in

saec.: Mariae Ludovicae Elisabethae de Lamoignon vid. Molé de Champlâtreux),

Fundatricis Congregationis Sororum a Caritate S. Ludovici (1763-1825)

DECRETUM SUPER MIRACULO

Venerabilis Serva Dei Mater a Sancto Ludovico (in saeculo: Maria Ludo-

vica Elisabetha de Lamoignon) Lutetiae Parisiorum die 3 mensis Octobris

anno 1763 est orta. Sedecim annos nata, principi Francisco-Eduardo Molé de

Champlâtreux nupsit: e matrimonio quinque nati sunt filii, ex quibus tres in

tenera mortui sunt aetate. Illis annis Venerabilis Serva Dei totam familiae se

dedit, minime tamen opera caritatis neglexit; immo, concorditer cum marito,

magnam vitae simplicitatem sibi proposuit atque continuam de egentibus

sollicitudinem ita ut a populo vulgo « l'ange des mansardes » vocaretur.

Consectaria Francogallicae Eversionis familiam Molé graviter percusserunt:

anno 1794 maritus guillotina est decollatus. Illa tamen vim habuit persecu-

toribus ignoscendi, atque consilium nutrivit vitam consecratam amplectendi.