Acta Apostolicae Sedis - Commentarium Officiale308

vexabant, pane institutioneque omnino egentium «maternitatis spiritualis »

specie sedulam operam iugiter navavit. Populus nomine « bonae materculae »

eam nuncupavit. Die 25 mensis Augusti anno 1969, parva aëria praecipitata

nave, qua e missione ad aliam urbem devehebatur, ut exercitia spiritualia

expleret, Serva Dei ad domum Patris remeavit. Summus Pontifex Bene-

dictus XVI die 8 mensis Novembris anno 2008 Servam Dei virtutes in

modum heroum coluisse decrevit.

Beatificationis respectu, Causae Postulatio iudicio huius Congregationis

de Causis Sanctorum assertam subiecit miram sanationem, intra fines Archi-

dioecesis Portus Veteris in provincia Manabiensi in Aequatoria eventam,

dominae Iosephae Iolandae Solórzano Pisco, quae, mense Aprili anno 2002,

signa aegritudinis animadvertere coepit, simplicis influentiae affectionis

instar excepta. Valetudo vero eius gradatim adeo vehementior evasit,

ut paucos intra dies infirma, quae interdum in nosocomium recepta erat,

condiciones generales pergravis prostrationis exhiberet, aspera cephalea

abdominisque doloribus vomituque et nausea ac diffuso pallore comitan-

tibus. Sequentibus diebus, novae etiam eminuerunt aerumnae, scilicet acria

et producta haematomata, saevissimi impetus febris deliriaque crebra, unde

correptio ita crudescebat incita, ut aegrota demum in lethargo comatis

iamiam consopiretur.

His in gravissimis adiunctis, propinqui atque amici Iolandae obtinuerunt,

ut aegrota e valetudinario dimitteretur et intra muros domus suae mori

posset. Quibus autem sacerdos quidam e Societate Sancti Francisci Salesii

animi eminentiam Servae Dei proposuit contemplandam eosque adhortatus

est, ut ad divinum confugerent auxilium per eiusdem intercessionem Iolan-

dae exposcentes sanationem. Et ad lucem diei 10 mensis Maii anno 2002,

omnes infirmae conscientiae conspexerunt recuperationem et pristinorum

omnium vitalium facultatum refectionem, scilicet icteri aversionem,

normalem respirationem, dolorum articularium imminutionem et loquendi

facultatem.

Clarissime continuatio temporis patuit, sicut et nexus inter invocationem

Venerabilis Servae Dei et sanationem Iosephae Iolandae Solórzano, quae

etiamdum optima gaudet valetudine normalesque exinde vitae consuetudines

gerit.

De hac mira habita sanatione apud Curiam Archiepiscopalem Portus

Veteris a die 21 mensis Iulii ad diem 12 mensis Septembris anno 2008

Inquisitio dioecesana celebrata est, cuius auctoritas et vis iuridica a Congre-