Congregatio de Causis Sanctorum 903

naria Patrum Cardinalium et Episcoporum, Ponente Causae Exc.mo Domino

Ottorino Petro Alberti, Archiepiscopo emerito Calaritano. Et in utroque

Coetu, sive Consultorum sive Cardinalium et Episcoporum, posito dubio an

de miraculo divinitus patrato constaret, responsum affirmativum prolatum

est.

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Sanctitas Sua

vota Congregationis de Causis Sanctorum excipiens rataque habens, hodierno

die declaravit: Constare de miraculo a Deo patrato per intercessionem Ven.

Servae Dei Iosephinae Nicoli, Sororis Instituti Filiarum a Caritate, videlicet

de rapida, completa ac duratura sanatione iuvenis militis Baptistae Colleoni a

« tubercolosi del bacino con carie ossea della cresta iliaca sinistra e con forma-

zione di un voluminoso ascesso ossifluente ».

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 6 mensis Iulii A. D. 2007.

Iosephus card. Saraiva Martins

Praefectus

L. e S. e Michaël Di Ruberto

Archiep. tit. Biccarensis a Secretis

CENOMANENSIS seu MARIANOPOLITANA

Beatificationis et canonizationis Servi Dei Hieronymi Le Royer de la Dauversière,

Patrisfamilias, Fundatoris Instituti Filiarum S. Ioseph Flexiensis nunc Religiosa-

rum Hospitalariarum S. Ioseph (1597-1659)

DECRETUM SUPER VIRTUTIBUS

« Ego autem libentissime impendam et superimpendar ipse pro animabus

vestris » (2 Cor 12, 15).

Similiter ac Paulus Apostolus, christifidelis laicus Hieronymus Le Royer

de la Dauversière flagrans persensit desiderium totam vitam pro animarum

salute impendendi. Ipse enim materiale et spirituale praestitit servitium in-

firmis, et ad hunc finem novam condidit religiosam familiam, Institutum