Acta Apostolicae Sedis - Commentarium Officiale904

scilicet Filiarum Sancti Ioseph Flexiensis. Naviter insuper operatus est ut

Evangelicum salutis nuntium magis in dies diffunderet.

Hic Christi testis in Gallia, in oppido La Flèche, die 18 mensis Martii anno

1597 e nobili familia ortus est. Studia peregit apud suae urbis collegium

sacerdotum Societatis Iesu. Patrem subsecutus est in munere exactoris vec-

tigalium, quod usque ad mortem est exsecutus.

Anno 1621 uxorem duxit Ioannam de Baugé, de quorum fideli ac fecundo

coniugio quinque nati sunt filii, quos una cum uxore per Christi vias perduxit.

Quattuor ex illis sacerdotalem vel religiosam vitam sunt amplexati.

Simul cum suis familiaribus, die 2 mensis Februarii anno 1630, sese con-

secravit Sanctae Familiae Nazarethanae. Ab hoc inde instanti miram osten-

dit progressionem vitae spiritualis, e gradu vitae christianae iam elato trans-

iens ad Deo et rebus quae sunt Dei sese plane consecrandum.

Anno 1632 in munere constitutus est administrandi bona Fratrum Fran-

ciscalium Recollectorum, quod officium competentia et iustitiae spiritu est

exsecutus. Diversa caritatis opera participavit, quae in ipsius urbe perage-

bantur. Opem ferente Serva Dei Maria de la Ferre (1589-1652), condidit

Congregationem Filiarum Sancti Ioseph anno 1636, quae in praesens appel-

lantur Religiosae Hospitalariae Sancti Ioseph, quarum est peculiarem in

modum infirmis pauperibus inservire. Novum Institutum, ab Episcopo ap-

probatum anno 1843, per creationem domuum filialium celeriter in diversas

Galliae regiones propagatum est.

Servus Dei pro viribus contendit ut in Canada, in territorio scilicet Galliae

auctoritatibus obnoxio, exsurgerent et valetudinarium et concivium colonia

ad Evangelium indigenis incolis nuntiandum. Una cum eximiis viris illius

aetatis initium dedit anno 1640 « Societati dicatae Dominae Nostrae a Ma-

rianopoli ad colonias instituendas », ut in territorio Canadensi missionalem

foveret apostolatum. Ad illas regiones misit incolas et nummaria subsidia,

ubi opus a seipso inceptum propagatum est quamvis inter ingentes difficul-

tates, praecipue ob oppositionem ab aliquibus tribubus loci illatam. Actuo-

sam sociatamque operam navavit cum Serva Dei Ioanna Mance (1606-1673)

ad valetudinarium Marianopoli erigendum.

Servus Dei exsecutionem suorum familiarium et professionalium mune-

rum sapienter composuit cum Evangelico nuntio. Ita sanctitatis verticem

attigit, adimplens Dei voluntatem in omnibus vitae adiunctis, quam christia-

narum virtutum splendore collustravit. Fide permotus consiliis divinis et

magisterio Ecclesiae omnino adhaesit, quamvis inter labores et tribulationes.

Amore erga Deum compulsus est ad magnam in Eum fiduciam exhibendam,

et ut Ei placeret, perardua apostolica sibi assumpsit incepta. Sedulam curam