Acta Apostolicae Sedis - Commentarium Officiale198

Dicasterii die 10 mensis Februarii anno 2011 sunt tradita. Die 21 mensis Maii

anno 2011 Congressus habitus est Peculiaris Consultorum Theologorum.

Patres Cardinales et Episcopi se congregaverunt in Sessione Ordinaria

quam ego, Card. Angelus Amato, praesedi die 13 mensis Decembris anno

2011, Causae Ponente Eminentissimo Domino Cardinale Francisco Monterisi.

Et in utroque Coetu, sive Consultorum sive Cardinalium et Episcoporum,

posito dubio an de miraculo divinitus patrato constaret responsum affirma-

tivum prolatum est.

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Sanctitas Sua,

vota Congregationis de Causis Sanctorum excipiens rataque habens, hodierno

die declaravit: Constare de miraculo a Deo patrato per intercessionem Venera-

bilis Servae Dei Matris a Sancto Ludovico (in saeculo: Mariae Ludovicae Eli-

sabethae de Lamoignon, vid. Molé Champlâtreux), Fundatricis Congregationis

Sororum a Caritate S. Ludovici, videlicet de celeri, perfecta ac constanti sana-

tione domini Marcelli Lesage a « osteomielite cronica dell'omero sinistro, estesa a

tutta la diafisi, con multiple riacutizzazioni ».

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 19 mensis Decembris A.D. 2011.

Angelus Card. Amato, S.D.B.

Praefectus

L. e S.

e Marcellus Bartolucci Archiep. tit. Mevaniensis, a Secretis