Acta Apostolicae Sedis - Commentarium Officiale310

BERGOMENSIS seu OENIPONTANA

Beatificationis et Canonizationis Ven. Servi Dei Thomae ab Olera (in saec.:

Thomae Acerbis), Laici professi ex Ordine Fratrum Minorum Capuccinorum

(1563-1631)

DECRETUM SUPER MIRACULO

Venerabilis Servus Dei Thomas ab Olera (in saeculo: Thomas Acerbis)

anno 1563 exeunte in vico Olera, in Valle Seriana, intra fines provinciae

Bergomensis natus est. Inopiam et labores, armentarii negotiis usque ad

duodevicesimum aetatis annum vacans, cum parentibus communicavit. An-

no 1580, habitum Fratrum Minorum Capuccinorum Provinciae Venetorum

induit atque Veronae, Vicentiae et Rovereti humillimo stipis colligendae

servitio addictus est et, anno 1619, Archiducis Tirolis petitu, Oenipontem

eleemosynas quaeritans missus. Oboedientia et humilitas eum fecerunt quin-

quaginta fere annos « fratrem stipis mendicandae », amor animarum vero

« apostolum per domos »: testimonium, enim, perhibuit Evangelii, disseruit

de Deo, sive humiles sive magnos fidem edocuit atque in reconciliationem

et veniam constanter adhortabatur, visitabat reficiebatque infirmos, paupe-

ribus aures praebebat ac fovebat, malum deferebat. Sicut dictitabat: « ex

placitis plagis discimus Christi ». Ducum Bavariae amicus fuit et monitor.

Beatissimae Mariae Virginis amantissimus, in scriptis suis eidem tribuit titu-

lum Immaculatae Conceptionis. Oeniponte, die 3 mensis Maii anno 1631, in

Domino quievit corpusque eius in crypta cappellae Deo sacrae in honorem

Beatae Mariae Virginis intra muros ecclesiae Capuccinorum sepultum.

Summus Pontifex Ioannes Paulus II die 23 mensis Octobris anno 1987

decrevit eum virtutes theologales, cardinales iisque adnexas in modum

heroum coluisse.

Beatificationis respectu, Causae Postulatio iudicio huius Congregationis

de Causis Sanctorum assertam subiecit miram sanationem domini Valerii

Bartholi Valentino, qui Thiene prope Vicentiam, mense Ianuarii anno

1906, pergravi et eo tempore ob inefficaciam curarum propriarum valde per-

fuso morbo typhi correptus est. Condiciones clinicae aegroti brevi corruerunt,

admodum progredientibus valetudine variisque angustiis ipsi coniunctis. In

quindecim diebus infirmus, ingenti ac constantissimo febris aestu affectus, in