Congregatio de Causis Sanctorum 905

maxime adhibuit de infirmis et indigentibus, affabilem sincerumque animum

omnibus ostendens.

Prudens se gessit in auxiliis Sororibus religiosis communitatis a se condi-

tae praestandis, et nullo umquam tempore decisiones sumpsit, quin a suis

moderatoribus spiritualibus licentiam obtineret; honestus ac diligens exstitit

in explendo munere et in exsequendis negotiis sibi creditis; legitimas aucto-

ritates veneratione est prosecutus. Et res adversas et tribulationes haud

communi fortitudine obivit. Diversis paenitentiae actibus sensus mortifica-

vit. Ab opibus et honoribus terrenis seiunctum se praebuit. Castitatem dili-

gentissime exercuit, matrimonii vitam concilians cum periodico continentiae

exercitio. Apostolatu et cultu erga Eucharistiam, Beatissimam Virginem Ma-

riam et Sanctum Ioseph spiritualem vitam roboravit, maiorem in dies cum

Domino communionem assequens.

Aequo animo pertulit morbum quo correptus est anno 1649. In Domino

semper confisus est. Anno 1659, quo valetudinis condiciones magis magisque

ingravescebant, laetam habuit occasionem salutem dicendi Sororibus sui In-

stituti, dum iter suscipiebant in Canadam. Ad Patrem tandem, quem iugiter

supernaturali spe cupierat, transiit die 6 mensis Novembris eiusdem anni.

Quemadmodum eius sanctitatis fama diffundebatur, ita instructa est Cau-

sa beatificationis et canonizationis per Processus Ordinarios habitos apud

Curias urbium Le Mans et Marianopolis, annis 1934-1936, quorum iuridicam

auctoritatem ratam habuit Congregatio de Causis Sanctorum, decretum

edens die 18 mensis Octobris anno 1991. Die 28 mensis Septembris anno

1993 acta est sessio Consultorum Historicorum. Deinde peractum est examen

virtutum Servi Dei. Prospero cum exitu habitus est die 18 mensis Novembris

anno 2005 Congressus Peculiaris Consultorum Theologorum. Patres Cardina-

les et Episcopi in Sessione Ordinaria die 5 mensis Iunii anno 2007 congregati,

post auditam relationem Ponentis Causae, Exc.mi D.ni Francisci Croci, Epi-

scopi titulo Potentini in Piceno, edixerunt Servum Dei Hieronymum Le

Royer de la Dauversière gradu heroico theologales, cardinales eisque adnexas

virtutes excoluisse.

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Sanctitas Sua,

vota Congregationis de Causis Sanctorum excipiens rataque habens, hodierno

die declaravit: Constare de virtutibus theologalibus Fide, Spe et Caritate tum in

Deum tum in proximum, necnon de cardinalibus Prudentia, Iustitia, Tempe-

rantia et Fortitudine, iisque adnexis, in gradu heroico, Servi Dei Hieronymi Le

Royer de la Dauversière, Patrisfamilias, Fundatoris Instituti Filiarum S. Ioseph

Flexiensis, nunc Religiosarum Hospitalariarum S. Ioseph, in casu et ad effectum

de quo agitur.