Congregatio de Causis Sanctorum 199

CURIENSIS seu COMENSIS

Beatificationis seu Declarationis Martyrii Servi Dei Nicolai Rusca, Sacerdotis

dioecesani ({ 1618)

DECRETUM SUPER MARTYRIO

« Ad quoscumque mittam te, ibis et universa, quaecumque mandavero

tibi, loqueris. Ne timeas a facie eorum, quia tecum ego sum, ut eruam te »

(Ier 1, 7-8).

Certamen Ieremiae, Israelis prophetae, ad vitam et mortem Servi Dei

Nicolai Rusca resilit, qui etiam in hora martyrii vim et consolationem

instantiae Domini expertus est, qui ei usque ad sanguinis effusionem gratiam

concessit perseverantiae et fidelitatis erga Ecclesiam Christi et doctrinam

catholicam.

Servus Dei die 20 mensis Aprilis anno 1563 Bedani in Pago Ticinensi, tunc

intra fines dioecesis Comensis, natus est. Studiis apud Collegium Helveticum

Mediolanense expletis, die 23 mensis Maii anno 1587 presbyteratu auctus est.

Parochus Suessae ac Montesii in territorio pagi sui natalis nominatus, dein ad

archipresbyteratum Sondrii translatus est, quod tunc locus princeps erat

Vallis Tellinae et sub politica specie ad Tria Foedera (nunc scilicet Pagum

Rhaeticum seu Grisonium in Helvetia) pertinebat, ubi usque ad mortem

degit. Magnam partem ministerii pastoralis sui exercuit apud finitima terri-

toriorum, quae Reformationi lutheranae illo tempore peculiariter indulse-

rant, quo disputationes quidem inter christianas confessiones perasperrime

saevierunt.

In servitio pastorali pro bono communitatis catholicorum Sondrii suppe-

ditato Servus Dei summa sacramentorum administrationis sollicitudine,

christifidelium instituendorum navitate et bonorum Ecclesiae regiminis dili-

gentia emicuit. Mirabile fuit speculum presbyteri ad mentem Sacrosancti

Concilii Tridentini et ad exemplum Iesu Boni Pastoris conformati. Optima

qua imbuebatur doctrina et pastoralis sollertia ei permisit, ut trepidi

turbatique populi moderator fieret firmissimus ac membrorum cleri lucerna.

Etiam in re civili prudentem ac moderatum adeo se praebuit, ut sive