Congregatio de Causis Sanctorum 311

statum agonicum ita cecidit, ut familiares sacerdotem ad ultima sacramenta

ministranda vocarent.

His in gravissimis adiunctis, fratre quodam ex Ordine Capuccinorum

adhortante, familia Valerii Bartholi una cum amicis ad divinum confugere

statuit auxilium, ut, Venerabilis Servi Dei intercessione, eiusdem valetudinis

sanationem impetraret. Imaguncula cum effigie Thomae ab Olera sub pulvi-

num infirmi collocata est. Et exinde statim spectandus profectus condicio-

num aegroti conspectus est, qui, omnibus admirantibus, usque ad completam

et firmam sanationem rapide processit.

Continuatio temporis clarissime patuit, sicut et nexus inter invocationem

Servi Dei et completam Valerii Bartholi Valentino sanationem, qui exinde

perfectam corporis et animae praestantiam resumpsit.

De hac mira habita sanatione apud Curiam Episcopalem Bergomensem a

die 26 mensis Octobris anno 2006 ad diem 3 mensis Octobris anno 2007

Inquisitio Dioecesana acta est, cuius auctoritas et vis iuridica a Congre-

gatione de Causis Sanctorum Decreto diei 16 mensis Ianuarii anno 2009

probatae sunt. Acta dein collecta examini et iudicio Collegii Medicorum

Dicasterii subiecta sunt, quod in Sessione diei 24 mensis Februarii anno

2011 una voce ac sententia sanationem rapidam, completam, duraturam et

inexplicabilem secundum hodiernam scientiam medicam fuisse affirmavit.

Die 22 mensis Octobris anno 2011, Congressus Peculiaris Consultorum Theo-

logorum prospero cum exitu factus est ac, die 7 mensis Februarii anno 2012,

Sessio Ordinaria Patrum Cardinalium et Episcoporum, cui ego Card. Angelus

Amato, S.D.B., Praefectus, praesedi, Ponente Causae Eminentissimo ac

Reverendissimo Domino Paulo Cardinale Sardi, et in utroque coetu sive

Consultorum sive Cardinalium et Episcoporum, posito dubio an de miraculo

divinitus patrato constaret, responsum affirmativum prolatum est.

Facta demum de hisce omnibus rebus Summo Pontifici Benedicto XVI

per subscriptum Praefectum accurata relatione, Sanctitas Sua vota Congre-

gationis de Causis Sanctorum excipiens rataque habens, hodierno die decla-

ravit: Constare de miraculo a Deo patrato per intercessionem Venerabilis Servi

Dei Thomae ab Olera (in saec.: Thomae Acerbis), Laici professi ex Ordine

Fratrum Minorum Capuccinorum, videlicet de celeri, perfecta ac constanti sana-

tione domini Valerii Bartholi Valentino a « gravissimo ileo tifo, complicato da

polmonite ipostatica in bronchite diffusa, con miocardite, iperpiressia continua a

40º, stato agonico con imminente pericolo di morte ».