Acta Apostolicae Sedis - Commentarium Officiale906

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 6 mensis Iulii A. D. 2007.

Iosephus card. Saraiva Martins

Praefectus

L. e S. e Michaël Di Ruberto

Archiep. tit. Biccarensis a Secretis

LEOPOLITANA LATINORUM

Beatificationis et canonizationis Ven. Servae Dei Marthae Mariae Wiecka, Sororis

professae Societatis Puellarum a Caritate Sancti Vincentii de Paul (1874-1904)

DECRETUM SUPER MIRACULO

Venerabilis Serva Dei Martha Maria Wiecka in oppido Nowy Wiec, in

Polonia, ortum habuit die 12 mensis Ianuarii anno 1874. In Societatem Puel-

larum a Caritate Sancti Vincentii de Paul ingressa est, ubi in diversis vale-

tudinariis uti infirmorum administra ingenti sacrificii spiritu et fraterna de-

ditione servitium praestitit infirmis. Typho correpta, quo affecta est ob

caritatis munus aegroto cuidam exercendum, ad Patrem transiit die 30 men-

sis Maii anno 1904.

Summus Pontifex Ioannes Paulus II die 20 mensis Decembris anno 2004

declaravit Servam Dei theologales, cardinales eisque adnexas virtutes heroico

gradu exercuisse.

Beatificationis intuitu, Postulatio Causae iudicio Congregationis de Cau-

sis Sanctorum coniectam subiecit miram sanationem domini Bronislai Kohn,

in Polonia commorantis, qui anno 1996, unum et septuaginta annos natus,

perturbationes urinarias pati coepit ob hypertrophiam prostaticam. Quadam

elapsa periodo confirmatae valetudinis, anno 1999 ingravescens pathologia

detecta est, quam ob causam in tribus periodis acuta prodiit urinaria reten-

tio, ex quibus extrema evenit mense Februario anno 2000. Aegrotus monitus

est ut chirurgicam sectionem subiret tamquam solam sanationis viam, quam

ille tamen reiecit. Idcirco therapia medica haud idonea exstitit et inefficax,

quapropter prognosis reservata « quoad valetudinem » edicta est. Hac versans