Acta Apostolicae Sedis - Commentarium Officiale200

privati cives sive publici procuratores eum arbitrum ad varias lites actio-

nesque dirimendas saepius delegerint.

Tempore tricennali fere moderaminis sui archipresbyteratus Sondrii,

Servus Dei crebra cum Reformatis iunxit commercia. Quibus in adiunctis

in catholicae fidei defensione ita firmus semper se ostendit, ut religionis

acerrimi defensoris quidem mereretur titulum. Nec vero erga interloquentes

ipsi umquam defuit obsequium, sed diligentius omnes vitavit modos dicendi,

qui eos forte offenderent, non suipsius gloriam, sed salutem animarum

exquirendam radicitus confisus. Praeter disputationes, insuper, omni studio

innumeris textibus de doctrinae catholicae defensione seu enarratione redi-

gendis vacavit.

Volventibus annis, res politicae ac religiosae in universo Pago Rhaetico

infeliciter ac Sondrii praesertim infaustissime evaserunt. Nam, ineuntibus

mensibus anni 1618, superatis molestiis, quibus Servum Dei apud tribunal

protinus oportuit defendi, novae conflictationis causae processerunt, praeser-

tim quoad iuvenum institutionem, et odium Reformatorum in eum in peius

vertit. Servus Dei autem, licet ingravescentis periculi quod adibat sibi con-

scius esset, impavidus actuositatem pastoralem perseveravit. Nocte, vero,

inter dies 24 et 25 mensis Iulii anno 1618, manipulus armatorum, quem

pastor quidam reformatus ducebat, muros ambiit domus canonicae eumque

deprehendit et primum Curiam, dein in vicinum vicum Thusim traxit, ubi

tribunal speciale sexaginta et sex iudicum consedit, qui e plurium Trium

Foederum communitatum membris selecti erant. His in adiunctis, insuper,

consessus tribunalis reformatorum praegravante parte licenter improbeque

alteratus est.

Die 1 mensis Septembris anno 1618, actione in tribunali inita, Servus Dei

nullo advocato defensore frui potuit, quos cum communitas Sondriensis

catholica ei subrogaverat insimulatione perduellionis impendente, Thusi de-

pulsi erant. Contra eum crimina pristinis in actionibus iam prolata resumpta

sunt et nova quidem suggesta, inter quae etiam assignatum est culpae quod

cum populo Sondrii adeo tenax ipse instituere valuerat vinculum, ut iudices

ab omni contra ipsum sententia parcerent, timentes ne effrenati moverentur

tumultus. Servus Dei omnia insimulata crimina recusavit, sed, licet ad

poenas et martyrium iam esset paratus, a iudicibus petiit, ut praevisam