600 Acta Apostolicæ Sedis - Commentarium Officiale

ACTA CONGREGATIONUM

CONGREGATIO DE CAUSIS SANCTORUM

MATRITENSIS

Beatificationis seu Declarationis Martyrii Servi Dei Emmanuelis a Sacra Fami- lia (in saeculo: Emmanuelis Sanz Domínguez) Sacerdotis professi Ordinis Sancti Hieronymi († 1936)

DECRETUM SUPER MARTYRIO

« Sive enim vivimus, Domino vivimus, sive morimur, Domino morimur.

Sive ergo vivimus, sive morimur, Domini sumus » ( Rom 14, 8).

Hoc Apostoli effatum mirabiliter resplendet in vita et morte Servi Dei

Emmanuelis a Sacra Familia (Emmanuelis Sanz Domínguez), monachi pro-

fessi ac restauratoris Ordinis « Sancti Hieronymi », qui in extrema testimonii

sui hora proprium effudit sanguinem, quem in Domini calice immiscuit.

Divinae obsequens voluntati, quaecumque ipsa fuerit, conspicua senten-

tia, quam protulit in Monasterio Conceptionis Hieronymae de Lista, Matriti,

paulo antequam in carcerem duceretur, ita declaravit: « Quomodocumque

res se vertant, Deo gratias ago, quoniam summo ac pulchro munere me

ditavit. Si vivo, opinor me visurum Ordinem Hieronymum restauratum,

quod in votis meis summum fuit propositum; si autem morior, martyr ero

pro Christo, quod omnia mea excedit desideria ».

Servus Dei die 13 mensis Decembris anno 1887 in oppido Sotodosos in

prope Seguntiam in Hispania, natus est. Duobus post diebus sacro bap-

tismatis lavacro ablutus Emmanuel humana et Christiana institutione for-

matus est sub diligenti cura patris et assistentia avunculi sacerdotis. Hic

enim spiritualem detexit bonitatem nepotis sui Emmanuelis; persentiens

insuper eius sacerdotalem vocationem, hortatus est eum ut seminarium

ingrederetur, quod ita evenit, quamvis hoc per breve tempus accidit. Servus

Dei seminarium reliquit et operari coepit in Ferroviis Status. Tempore quo