Congregatio de Causis Sanctorum 907

in condicione, aegrotus sub finem anni 2000, per intercessionem Servae Dei

Marthae Mariae Wiecka, divinum invocare coepit auxilium. Sequenti anno

vir Bronislaus advertit perturbationes prostaticas elapsas esse, qua de causa

medicas intermisit curationes. Mense Octobri eiusdem anni medicus sanatio-

nem comprobavit. Subsequentes recognitiones confirmaverunt effectam sa-

nationem « adenomatis prostatici ».

De quo casu, qui mirus putatus est, apud Curiam Cracoviensem anno 2003

instructa est Inquisitio dioecesana, cuius iuridicam auctoritatem agnovit

haec Congregatio de Causis Sanctorum decretum vulgans die 18 mensis Iunii

anno 2004. Consilium Medicorum huius Dicasterii, in sessione diei 18 mensis

Maii anno 2006, sanationem celerem, perfectam, constantem et ex scientiae

legibus inexplicabilem fuisse declaravit. Die 26 mensis Ianuarii anno 2007

habitus est Congressus Peculiaris Consultorum Theologorum et die 5 sequen-

tis mensis Iunii acta est Sessio Ordinaria Patrum Cardinalium et Episcopo-

rum, Ponente Causae Exc.mo D.no Lino Fumagalli, Episcopo Sabinensi-

Mandelensi. Et in utroque Coetu, sive Consultorum sive Cardinalium et Epi-

scoporum, posito dubio an de miraculo divinitus patrato constaret, respon-

sum affirmativum prolatum est.

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Sanctitas Sua

vota Congregationis de Causis Sanctorum excipiens rataque habens, hodierno

die declaravit: Constare de miraculo a Deo patrato per intercessionem Ven.

Servae Dei Marthae Mariae Wiecka, Sororis professae Societatis Puellarum a

Caritate Sancti Vincentii de Paul, videlicet de celeri, perfecta et constanti sana-

tione domini Bronislai Kohn ab « ipertrofia prostatica con episodi di ritenzione

acuta d'urina ».

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 6 mensis Iulii A. D. 2007.

Iosephus card. Saraiva Martins

Praefectus

L. e S. e Michaël Di Ruberto

Archiep. tit. Biccarensis a Secretis