Congregatio de Causis Sanctorum 313

gloriosam susceperunt, et, indefesse concaptivos suscitantes ac corroboran-

tes, locum immo detentionis in campum convertere valuerunt apostolatus.

1. Raimundus Ioachimus Castaño González in vico Mieribus, in regione

Asturiarum, in Hispania die 20 mensis Augusti anno 1865 natus est et eodem

die ad regenerationis fontem ductus. Argutus ingenio et ad studium proclivis,

alumnus fuit Seminarii dioecesani Ovetensis. Anno 1880 novitiatum Fratrum

Praedicatorum Coriasensem ingressus est et professionem religiosam die 5

mensis Novembris anno 1881 emisit. Presbyteratu auctus die 21 mensis

Septembris anno 1889, sedulum navavit ministerium praedicationis, in quo

etiam cum promptum Provinciae religiosae Baeticae instaurandae se prae-

buit, perseveravit. Prior fuit Conventus Xeritensis et magister theologiae in

Almagrensi. Anno 1910 Vianam de Castro missus est ad Provinciam Lusita-

niae reficiendam. Hinc in Hispaniam anno 1911 rediit, ubi multis in regionibus

ministerium praedicationis et spiritualis moderationis perrexit. Anno 1922,

cum Prior erat Conventus Palentini, Praedicatoris Generalis titulum prome-

ruit. Ab anno 1927 Matritum destinatus est. Anno 1932, Vicarius Monialium

Sancti Dominici Quedianae prope Alabam nominatus est, quo munere functus

est usque ad diem comprehensionis. Ministerium eius, saepe etiam ad sacer-

dotes versum, e vita orationis et studii, ex observantia Regulae et e spiritu

paenitentiae sicut e fonte manabat. Benignus erat, magna spe refertus, hilaris

et Sanctissimae Eucharistiae, Sacratissimo Cordi Iesu ac Beatissimae Virgini

a Rosario summopere devotus. Prelo dedit enchiridion de oratoria sacra,

tractatus multiformes ac vitam Sancti Dominici et de Gallico sermone vertit

opera omnia illius Fratris Henrici Dominici Lacordaire.

2. Iosephus Maria González Solı́s in vico Sanctobalneo de Muriis, prope

Alloriam, in regione Asturiarum, in Hispania die 15 mensis Ianuarii anno

1877 natus est et eodem die ad regenerationis fontem ductus. Professionem

religiosam in Conventu Praedicatorum Coriasensi die 3 mensis Ianuarii

anno 1894 emisit. Die 10 mensis Martii anno 1900 presbyteratu auctus,

multos annos ad magisterium in Collegio Sancti Ioseph in vico Vergara apud

Jupuscoam ac dein Segoviae et Vallisoleti incubuit. Conventibus etiam

Patronensi, prope Cruniam, et Salmanticae deputatus est. Ab anno 1926 ad

Conventum Matritensem destinatus est, ut munere fungeretur oeconomi

provincialis. Regulari observantia diligens exactusque, religiosam impensius

vixit consecrationem oratione, eucharistica pietate et actuositate insignem.