Acta Apostolicae Sedis - Commentarium Officiale202

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 19 mensis Decembris A.D. 2011.

Angelus Card. Amato, S.D.B.

Praefectus

L. e S.

e Marcellus Bartolucci

Archiep. tit. Mevaniensis, a Secretis

MATRITENSIS

Beatificationis seu Declarationis Martyrii Servorum Dei Orentii Aloisii (in saec.:

Antonii Solá Garriga) et XXI Sociorum, ex Instituto Fratrum Scholarum Christia-

narum necnon Antonii Mateo Salamero, Sacerdotis dioecesani ({ 1936)

DECRETUM SUPER MARTYRIO

« Quis est qui vincit mundum, nisi qui credit quoniam Iesus est Filius Dei?

Hic est, qui venit per aquam et sanguinem, Iesus Christus; non in aqua

solum, sed in aqua et in sanguine. Et Spiritus est, qui testificatur, quoniam

Spiritus est veritas » (1 Gv 5, 5-6).

Martyres Christi, Spiritu Sancto sustentati, in erroris falsitatisque hora

testimonium praebuerunt Veritatis. Novissima tantorum exempla, maxime

ex Instituto Fratrum Scholarum Christianarum et unus sacerdos dioecesa-

nus, belli civilis ac persecutionis religiosae adiunctis conexi sunt, quae in

Hispania inter annos 1936 et 1939 acciderunt, atque Martyris illius super

Golgotha sanguini sanguinem conseruerunt suum. Qui nunc in Ecclesiae

et mundo tamquam fidei fortitudinis speculum et gratiarum intercessores

summopere fulgent.