602 Acta Apostolicæ Sedis - Commentarium Officiale

pinquos in suburbiis Matriti exceptus est, postea tamen clam se contulit

in urbem apud amicos usque ad diem 5 mensis Octobris anno 1936, quo

comprehensus est et in Carcerem « San Antón » ac deinde in Carcerem Ma-

tritensem « Modelo » perductus.

Manens in carcere, saepe invisus est a sororibus Petra et Catharina cum

earum filiis, qui commoti sunt ob serenitatem Servi Dei, et eiusdem verba

proferre potuerunt: « Si morior, moriar pro Christo ». In carcere frater Em-

manuel apostolatum exsequi perrexit orandi, solamen ferendi, confessiones

audiendi et omnes ad perseverantiam in amore Christi hortandi. Ille aliique

reclusi translati sunt in locum Paracuellos del Jarama et inter dies 6 et 8

mensis Novembris illius anni interempti. Quidam testis ita explicat causam

eius mortis: « Emmanuel necatus est propter sacerdotalem et religiosam

condicionem, non vero alias ob causas ».

Fama martyrii Servi Dei viva perstitit in Ordine Hieronymo ab ipso

restituto. Causa incepta est Matriti die 1 mensis Decembris anno 1997 et

Decretum validitatis processus approbatum est die 26 mensis Novembris

anno 1999. Die 4 mensis Aprilis anno 2011 habitus est Peculiaris Congressus

secundo cum exitu. Tandem, Cardinales et Episcopi, in Ordinaria Sessione

die 20 mensis Novembris anno 2012 congregati, me Angelo Cardinale Amato

moderante, faventem tulerunt sententiam.

De hisce omnibus rebus, referente subscripto Cardinale Praefecto, certior

factus, Summus Pontifex Benedictus XVI, vota Congregationis de Causis

Sanctorum excipiens rataque habens, hodierno die declaravit: Constare de

martyrio eiusque causa Servi Dei Emmanuelis a Sacra Familia Sanz Domín-

guez, Sacerdotis Professi Ordinis Sancti Hieronymi, in casu et ad effectum

de quo agitur.

Hoc autem decretum publici iuris fieri et in acta Congregationis de

Causis Sanctorum Summus Pontifex referri mandavit.

Datum Romae, die 20 mensis Decembris a.D. 2012.

ANGELUS CARD. AMATO, S.D.B. Praefectus

L. G S.

G MARCELLUS BARTOLUCCI Archiep. tit. Mevaniensis, a Secretis