Congregatio de Causis Sanctorum 909

citu ad liberandum Hydruntum misso. Mense Maio anno 1481 in proximam

ecclesiam « ad fontem Minervae » deposita sunt atque translata mense Sep-

tembri in sedem cathedralem. Anno 1490 Alfonsus Aragoniensis plurima cor-

pora in Neapolim transferenda fecit.

Ii Christi testes statim martyres sunt putati atque obiectum venerationis

a populo sunt facti, qui eos validos tenet apud Deum intercessores. Anti-

quitus quotannis die 14 mensis Augusti Ecclesia Hydruntina eorum memo-

riam pie celebrat. Anno 1539 prima fuit pro eorum beatificatione inquisitio,

pluries annis sequentibus resumpta, sed tantummodo annis 1755-1756 Pro-

cessus est celebratus Ordinarius Hydrunti, Episcopo moderante Nicolao Ca-

racciolo, cuius tamen actus a Sacra Congregatione Rituum validi non sunt

considerati.

Ab anno 1770 ad annum 1771 ab Episcopo Lyciensi Alfonso Sozy Carafa

alter est instructus Processus Ordinarius, qui statim Romae examini subiec-

tus est atque, die 14 mensis Decembris anno 1771, decretum prodiit confir-

mationis cultus a tempore immemorabili martyribus Hydrunti tributi, qui

anno 1721 praecipui declarati erant istius urbis et Archidioecesis patroni.

Cultus Beatorum peculiariter fervens exstitit anno 1980 occasione quintae

centenariae eventus memoriae. Dies festi sollemni modo Hydrunti conclusi

sunt coram ipso Summo Pontifice, Ioanne Paulo II, qui die 5 mensis Octobris

anno 1980 celebrationi praefuit. Canonizatio horum martyrum continuo

exoptatur, sed tantummodo nuper documenta de martyrii facto sunt ordina-

tim collecta. Historica Commissio ab Archiepiscopo Hydruntino anno 1988

est instituta. Inquisitio dioecesana, annis 1991-1993 celebrata, a Congrega-

tione de Causis Sanctorum per decretum die 27 mensis Maii anno 1994 est

recognita. Die 28 mensis Aprilis anno 1998 Congressus habitus est Consulto-

rum Historicorum. Die 16 mensis Iunii anno 2006, positivo cum exitu, Con-

gressus Peculiaris habitus est Consultorum Theologorum. Patres Cardinales

et Episcopi in Sessione Ordinaria diei 17 mensis Aprilis anno 2007, audita

relatione Ponentis Causae, Exc.mi Domini Salvatoris Boccaccio, Episcopi

Frusinatensis-Verulani-Ferentini, agnoverunt Beatos Antonium Primaldum

et Socios interemptos esse ob propriam erga Christum fidelitatem.

De hisce omnibus rebus, referente subscripto Cardinali Praefecto, certior

factus, Summus Pontifex Benedictus XVI, vota Congregationis de Causis

Sanctorum excipiens rataque habens, hodierno die declaravit: Constare de

martyrio eiusque causa Beatorum Antonii Primaldi, Christifidelis laici, et So-

ciorum, in casu et ad effectum de quo agitur.