Congregatio de Causis Sanctorum 203

Frater Orentius Aloisius (in saec.: Antonius Solá Garriga) Flaviobrigae die

20 mensis Februarii anno 1898 natus est. Biduo post ortum ad regenerationis

fontem ablutus, anno 1898 sacramentum recepit confirmationis. Alumnus

fuit in Novitiatu Bucedensi atque anno 1923 Matriti professionem religiosam

emisit. In Collegio « Las Maravillas » Matritensi tamquam magister docuit

usque ad annum 1931, cum manus inimicorum fidei christianae, conflato

incendio, idipsum omnino vastaverunt. Deinde, altero in Belgica Novitiatui

operatus est et, in patriam reversus, nominatus est praeses Seminario Minori

Grinionensi. De eo confratres disertissime planissimeque locuti sunt, eius

aspicientes navitatem doctrinae tradendae, actuositatem et spiritum oratio-

nis. Grinione, die 28 mensis Iulii anno 1936, interemptus est. Caput sociorum

in religione habetur, qui cum eo ipso die eademque in civitate trucidati sunt.

Scilicet:

Frater Aquilinus Xaverius (in saec.: Celestinus Ruı́z Alegre), qui in vico

vulgo dicto Mazueco de Lara die 5 mensis Aprilis anno 1902 natus est, pro-

fessionem religiosam Vallisoleti anno 1927 emisit et apostolicam operam

apud scholas Loricae, Almeriae et Grinione exercuit.

Frater Angelus Gregorius (in saec.: Germanus Arribas Arribas), qui in vico

vulgo dicto Mazueco de Lara die 28 mensis Maii anno 1895 natus est, profes-

sionem religiosam anno 1921 emisit, apud scholas Matriti et in vico Sancta

Cruce de Mudela docuit et ab anno 1929 munus infirmorum ministri Grinione

functus est.

Frater Marius Felix (in saec.: Emmanuel Iosephus de Sousa), qui in vico

vulgo dicto Bouro in Lusitania die 27 mensis Decembris anno 1860 natus

est et, utroque orbatus parente, patruo cuidam commissus est, qui eum in

Brasiliam devexit; anno 1888 Institutum ingressus est ac Bucedi institutus;

professionem religiosam anno 1918 emisit.

Frater Arturus (in saec.: Iaochimus Narcissus Isidorus Oliveras Pujalrás),

qui in vico Sant Feliu de Pallerols die 14 mensis Februarii anno 1875 natus

est, professionem religiosam anno 1905 emisit et apud communitatem

Grinionensem commorabatur, ubi, tempore excidii, operam coquinariam

exercebat.

Frater Sixtus Andreas (in saec.: Andreas Merino Bascones), qui in

vico Sasamón prope Burgum die 10 mensis Novembris anno 1874 natus est,