Acta Apostolicae Sedis - Commentarium Officiale910

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 6 mensis Iulii A. D. 2007.

Iosephus card. Saraiva Martins

Praefectus

L. e S. e Michaël Di Ruberto

Archiep. tit. Biccarensis a Secretis

RAGUSIENSIS

Beatificationis et canonizationis Servae Dei Sanctinae a Iesu Scribano (in saec.:

Emmanuelae Ioannae), Religiosae Professae Congregationis a S. Corde (1917-1968)

DECRETUM SUPER VIRTUTIBUS

« Deus amor est, et anima, igni eiusmodi admota, ardeat necesse est... Ipsa

totam me cum Christo coniungi expetivi, non autem propter delicias unionis,

sed ut possem eum glorificare totumque animabus offerre ».

Haec, quae Soror Sanctina a Iesu Scribano (in saec.: Emmanuela Ioanna)

in suo memoriali libello conscripsit, aperte ostendunt fervidum eius amorem

in Dominum, itemque indicant fontem eius caritatis in homines, quos ipsa ad

instar Boni Samaritani sollicita benignitate adiit et adiuvit. Ipsa enim cum

Christo coniuncta vitam impendit Deum laudando, divino numini parendo,

infirmis inserviendo seseque Domino offerendo pro sacerdotibus ad sanctita-

tem adducendis et pro animarum salute.

Haec Serva Dei Ragusae, quae tunc in Archidioecesi Syracusana, die 4

mensis Decembris anno 1917 piis parentibus orta est. Cum autem matre

orbata esset, aviae paternae et Horatiae Cascone, amitae magnae, tradita

est, quae quidem eam non solum ad christiana praecepta erudiendam curavit,

sed etiam sutoriam et plumariam artem docuit. Deinde vero, in paternam

domum reversa, aliquot annos infensum novercae animum perferre habuit.

Interea, cum coepisset orationi ac religionibus addictiorem vitam agere, in

Actionem Catholicam professa, statuit quotidianam divinae mensae consue-

tudinem habere. Anno autem 1934, consilio sese Deo devovendi in animo