Acta Apostolicae Sedis - Commentarium Officiale316

Sancti Martini de Pinario Compostellanum ingressus est, apud quod gymna-

sium frequentavit et cursus studiorum philosophiae et theologiae confecit.

Evangelica austeritas, quam illis in annis in seipso expertus est, cum voca-

tionem suam ad catechesim iamiam repperit, omnem eius sacerdotis atque

apostoli naturam peculiariter extudit. Anno 1909, licentiam in sacra theolo-

gia adeptus et subdiaconus ordinatus est. Sequenti vero anno, diaconatu

ac dein presbyteratu adauctus est, sed in Seminario usque ad annum 1912

mansit, ut lauream in iure canonico adsequeretur.

Iuvenis sacerdos, diversis officiorum muneribus functus est, exempli

gratia Coadiutoris, Canonici Regiae ecclesiae collegiatae Coroniensis, Mode-

ratoris dioecesani Doctrinae christianae tradendae, sub-delegati dioecesani

pro Missionibus, cappellani monasterii Monialium Sancti Francisci Capucci-

narum, praedicatoris, relatoris in academicis sessionibus et scientiae institu-

tionis periti. Ministerio vix ineunte, peculiarem pro bono minimorum alacri-

tatem iam fundere coepit, catechesim praesertim curans intra fines pauperis

insulae Atochae, quae pars erat civitatis Coroniae, cuius cappellanus consti-

tutus erat. Iam inde a primo suo adventu opum spiritusque miseriam in

pueris insulae sensierat, quos revera famis et egestas admodum macerabant.

Ex quo scilicet sicut et tacito reconditoque ex labore «Magnum Opus de

Atocha » illud exortum est, quod caelesti Iesu Eucharistici et Beatissimae

Mariae Virginis praesidio commisit, hoc «Nigritae », alterum vero « Pueri Iesu

Uvarum et Segetum » nuncupans nomine, pro humano et christiano puero-

rum matrumque provectu atque evangelica familiarum instauratione. Radix

ac fulcimen universae eius institutionis rationis principium fuit « primum et

praestantissimum librum magistro puerum esse ». Licet per ardua atque

angusta, Servus Dei patienter atque aequo animo ad integralem hominum

institutionem et fervorem in doctrina christiana praecipienda omni studio

enisus est, ut religionis, caritatis ac civilis cultus in insula ipsi commissa

suscitaret pareretque augmentum.

Evangelium laetanter firmiterque nuntians, Servus Dei spiritualitatem

eucharisticam cum pastorali actuositate efficaciter coniunxit, etiam asperri-

mis in persecutionis religiosae per Hispaniam saevientis angustiis, cum rerum

gerendarum ratio acri odio contra ecclesiam inflata Opus eius praeclusit.

Navitas eius profunda humilitate, tranquilla firmitate et mira erga Deum

et parvulos caritate, necnon iugi Christo, Beatissimae Mariae Virgini,

Ecclesiae et populi Dei necessitatibus fidelitate eminuit.