Acta Apostolicae Sedis - Commentarium Officiale206

Grinione domi formationis officia domestica exercebat. A militianis irrum-

pentibus, quorum profanationibus frustra obsistere navaverat, die 28 mensis

Iulii anno 1936 interemptus est.

Dominus Antonius Mateo Salamero, presbyter ex Archidioecesi Matri-

tensi, qui in vico Torres del Obispo prope Oscam die 24 mensis Septembris

anno 1864 natus est, studia de arte medica iniverat, quae dein deseruerat,

ut vocationem ad sacerdotium sequeretur; anno 1920 doctoratum in sacra

Theologia adeptus est apud Pontificiam Universitatem Studiorum Toleta-

nam et novem ultimos annos vitae uti cappellanus communitatis Fratrum

Scholarum Christianarum degit Grinione, ubi die 9 mensis Augusti anno 1936

interemptus est.

Quorum Servorum Dei martyrii fama in totam communitatem ecclesia-

lem diffusa, apud Curiam Archiepiscopalem Matritensem, ab anno 1950

ad annum 1954, Processus Ordinarius super martyrio Servorum Dei et,

anno 1952, apud Curiam Episcopalem Malacensem Processus Rogatorialis

celebrati sunt, quorum auctoritas et vis iuridica a Congregatione de Causis

Sanctorum decreto diei 27 mensis Novembris anno 1991 probatae sunt.

Positione confecta, iuxta suetum morem, die 25 mensis Septembris anno

2009, Congressus Peculiaris Consultorum Theologorum factus est, in quo

prospero cum exitu disceptatum est an Servorum Dei mors verum martyrium

fuisset.

Patres Cardinales et Episcopi in Sessione Ordinaria die 8 mensis Novem-

bris anno 2011 habita, audita relatione Excellentissimi ac Reverendissimi

Domini Hieronymi Grillo, Episcopi emeriti Centumcellarum -Tarquiniensis,

Causae Ponentis, agnoverunt supradictos Servos Dei ob fidelitatem erga

Christum et Ecclesiam confessam verum martyrium passos esse.

De hisce omnibus rebus, referente infrascripto Cardinali Praefecto, certior

factus, Summus Pontifex Benedictus XVI, vota Congregationis de Causis

Sanctorum excipiens rataque habens, hodierno die declaravit: Constare de

martyrio eiusque causa Servorum Dei Orentii Aloisii (in saec.: Antonii Solá

Garriga) et XXI sociorum ex Instituto Fratrum Scholarum Christianarum,

necnon Antonii Mateo Salamero, Sacerdotis dioecesani, in casu et ad effectum

de quo agitur.