Congregatio de Causis Sanctorum 913

habita est per decretum die 29 mensis Maii anno 1992 latum. Positione con-

fecta, more tralaticio disceptatum est num Dei Ancilla virtutes, ipsaque

heroicum in modum, exercuerit. Hinc primum Peculiaris Theologorum Con-

sultorum Congressus, qui die 14 mensis Martii anno 2006 factus est, favora-

bilem suam sententiam aperuit; deinde vero Sessio Ordinaria Patrum Cardi-

nalium et Episcoporum habita est die 17 mensis Aprilis vertentis anni 2007,

Exc.mo D.no Petro Georgio Silvano Nesti, C. P., Archiepiscopo emerito Ca-

merinensi-Sancti Severini in Piceno, Causae Ponente, quae agnovit Sancti-

nam a Iesu, theologales et cardinales iisque adnexas virtutes, heroicum qui-

dem in modum, exercuisse.

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Sanctitas Sua,

vota Congregationis de Causis Sanctorum excipiens rataque habens, hodierno

die declaravit: Constare de virtutibus theologalibus Fide, Spe et Caritate tum in

Deum tum in proximum, necnon de cardinalibus Prudentia, Iustitia, Tempe-

rantia et Fortitudine, iisque adnexis, in gradu heroico, Servae Dei Sanctinae a

Iesu Scribano (in saec.: Emmanuelae Ioannae), Religiosae professae Congrega-

tionis a S. Corde, in casu et ad effectum de quo agitur.

Voluit autem Sanctitas Sua ut hoc decretum publici iuris fieret et in acta

Congregationis de Causis Sanctorum referretur.

Datum Romae, die 6 mensis Iulii A. D. 2007.

Iosephus card. Saraiva Martins

Praefectus

L. e S. e Michaël Di Ruberto

Archiep. tit. Biccarensis

a Secretis