Acta Apostolicae Sedis - Commentarium Officiale914

CONGREGATIO PRO EPISCOPIS

BONAËRENSIS et PLATENSIS

De Provinciarum Ecclesiasticarum nova compositione

DECRETUM

Quo aptius christifidelium pastorali curae consuli possit, Em.mi PP.DD.

Georgius S.R.E. Card. Bergoglio, S.I., Archiepiscopus Bonaërensis, et Exc.-

mus Hector Aguer, Archiepiscopus Platensis, unanimo consensu, ab Aposto-

lica Sede expostulaverunt, ut dioecesis Quilmensis ab Ecclesiastica Provincia

Platensi segregaretur atque Ecclesiasticæ Provinciae Bonaërensi aggregare-

tur, mutatis utriusque Ecclesiasticae Provinciae finibus.

Summus Pontifex, praehabito consensu Conferentiae Episcoporum Ar-

gentinae, et favorabili voto Exc.mi P.D. Adriani Bernardini, Archiepiscopi

titulari Faleritani et in Republica Argentina Apostolici Nuntii, audita Secre-

taria Status et de consilio Congregationis pro Episcopis, ratus huiusmodi immu-

tationem christifidelium bono profuturam, oblatis precibus annuendum censuit.

Quapropter hoc Decreto, perinde valiturum ac si Apostolicae sub plumbo

Litterae datae forent, e Provincia Ecclesiastica Platensi separat dioecesim

Quilmensem eamque Provinciae Ecclesiasticae Bonaërensi adnectit.

Ad haec perficienda Congregatio pro Episcopis deputat memoratum

Apostolicum Nuntium, necessarias et opportunas eidem tribuens facultates

etiam subdelegandi, ad effectum de quo agitur, quemlibet virum in eccle-

siastica dignitate constitutum, onere imposito ad eandem Congregationem,

cum primum fas erit, authenticum exemplar actus peractae exsecutionis

remittendi.

Contrariis quibuslibet minime obstantibus.

Datum Romae, ex Aedibus Congregationis pro Episcopis, die 26 mensis

Septembris anno 2007.

Ioannes Baptista card. Re Praefectus

e Franciscus Monterisi a Secretis

L. e S.

In Congr. pro Episcopis tab., n. 510/2007