Acta Apostolicae Sedis - Commentarium Officiale208

Dominae Nostrae El Henar in Cuéllar, deinde Primus Definitor sui Ordinis,

praefectus studiorum atque professor apud Collegium philosophicum-theolo-

gicum, Secretarius et Adiutor Provincialis. Fundationem coepit novi mo-

nasterii in Cogullada (Caesaraugustae urbis). Munus exercens prioris commu-

nitatis Matritensis, studiose de fervore inter fideles sollicitus fuit, sicut con-

fessarius eminens atque curam de pauperibus adhibens. Suas ob virtutes

appellatus est « Apostolus Ordinis Carmelitarum in Castella Vetere ». Insecta-

tione exorta, die 31 mensis Augusti anno 1936 apprehensus est atque in

carcerem inclusus. Die 23 mensis Novembris in Paracuellos de Jarama est

ductus ac primo diluculo diei 24 mensis Novembris, simul cum multis aliis,

est occisus.

Ceteri octo Carmelitani iuvenes sunt, inter 18 et 23 aetatis annos. Ex

conventu in Onda (Castellón de La Plana) sunt deducti, in locum Carabanchel

Bajo translati sunt atque ante coemeterii muros plumbis interfecti. Hi sunt:

Fr. Daniel Maria Garcı́a Antón, in Navacepeda de Tormes (Abulae) die

11 mensis Decembris anno 1913 natus, temporaria vota emisit anno 1930.

Iuvenis fuit religiosus aequa indole donatus, prudens ac silens, in studiis

agendis pertinax atque in Regulis observandis exemplaris.

Fr. Silvanus Maria Villanueva González, in Huérmeces (Burgi) die 9 mensis

Februarii anno 1916 natus, vota temporaria pronuntiavit anno 1932. Vix

viginti annos natus occisus est.

Fr. Adalbertus Maria Vincentius Muñoz, in Cuéllar (Segoviae) die 23

mensis Aprilis anno 1916 natus, votis temporariis anno 1932 se obstrinxit.

Etiam Fr. Adalbertus tantummodo 20 aetatis annos agebat cum martyrio

occubuit.

Fr. Aurelius Maria Garcı́a Antón, in Navacepeda de Tormes (Abulae) die 24

mensis Augusti anno 1916 natus, temporaria vota professus est anno 1932.

Frater fratris Danielis, organarii munus perdiligenter exercebat.

Fr. Franciscus Maria Pérez Pérez, in Ros (Burgi) die 31 mensis Ianuarii

anno 1917 natus, votis religiosis anno 1933 se consecravit. Iuvenis religiosus

perquam observans exstitit atque iugiter promptus ad sodales iuvandos in

disciplinis scientiarum quibus callebat.

Fr. Angelus Maria Reguilón Lobato, in Pajares de la Lampreana (Zamorae)

die 1 mensis Iunii anno 1917 natus, temporariam professionem fecit anno