Acta Apostolicae Sedis - Commentarium Officiale210

Fr. Braulius Iosephus (in saeculo: Alexander González Blanco), in Villovieco

(Palentiae) die 27 mensis Martii anno 1890 natus, perpetuis se obstrinxit

votis anno 1918. Apostolatum suum diversis in locis exercuit: Matriti, Jerez,

Griñón, Villagarcı́a. Bona indole praeditus, potissimum pueris educandis

se dicavit. Ad communitatem Procurae Matritensis pertinebat cum com-

prehensus et occisus est.

Fr. Osea (in saeculo: Villelmus Álvarez Quemada), in Santa Cruz de la

Salceda (Burgi) die 10 mensis Februarii anno 1890 natus, perpetua pronun-

tiavit vota anno 1921. Parum idoneus ad studia, opera manualia adimplebat,

potissimum uti coquus et hortulanus. Diversis in communitatibus vixit:

Iturribide, Griñón, Flaviobrigae, Bujedo, Jerez. In Procurae communitatem

anno 1936 advenit, ipso anno quo mortem subiit.

Fr. Norbertus Iosephus (in saeculo: Paulus Dı́az de Zárate), in Múrua

(Álava) die 25 mensis Ianuarii anno 1892 natus, vota nuncupavit perpetua

anno 1902. Edocuit variis in urbibus: Matriti, Portu Gaditano, Gadibus,

Hispali. Die 2 mensis Ianuarii anno 1935 ad Procuram Matritensem desti-

natus est.

Fr. Chrysologus (in saeculo: Ioannes Sanz y Palanca), Pampelone die 11

mensis Augusti anno 1880 natus, perpetua vota emisit anno 1910. Multa

explevit munera docendi atque moderandi diversis in urbibus, potissimum

Matriti. Exemplaris exstitit in vita religiosa atque memoria dignus uti

notissimus iuvenum educator.

Fr. Stephanus Vincentius (in saeculo: Aloisius Herrero Arnillas), in La

Serna (Palentiae) die 22 mensis Augusti anno 1883 est ortus. Non admodum

iuvenis Institutum est ingressus atque perpetuis votis se consecravit anno

1918, annos 35 natus. Vir intenso orationis spiritu ditatus.

Sequentes Servi Dei aliis in circumstantiis morti occubuerunt:

Fr. Virginius Petrus (in saeculo: Vincentius López y López), in Miraveche

(Burgi) die 27 mensis Octobris anno 1884 natus, perpetuam fecit professio-

nem anno 1912. Apostolatum incepit veluti magister in diversis collegiis

quorum aliquot per annos moderator etiam fuit. Mense Septembri anno

1935 ad scholam destinatus est Sanctae Susannae Matriti. Die 20 mensis