Congregatio de Causis Sanctorum 211

Iulii anno 1936 interfectus est, dum Sanctissimum Sacramentum servare

conabatur.

Fr. Irenaeus Hyacinthus (in saeculo: Ioachimus Rodrı́guez Bueno), in Ma-

zuelo de Muñó (Burgi) die 20 mensis Augusti anno 1910 natus, votis perpetuis

se obstrinxit anno 1935. Post tempus Gadibus transactum, destinatus est ad

munus docendi Matriti explendum. Tempore persecutionis in schola erat

Sanctae Susannae. Repertus uti religiosus, detentus est ac die 21 mensis Iulii

anno 1936 interemptus.

Fr. Iunianus Albertus (in saeculo: Albertus J. Larzábal Michelena), in

Irun (Guipúzcoa) die 4 mensis Februarii anno 1893 natus, perpetua vota fecit

anno 1921. Magister fuit et etiam director in diversis collegiis, postea Matriti

commentaria moderatus est Vita e Luce. In explendis muneribus religionis et

educationis diligens, tamquam apostolus commentariorum catholicorum emi-

nuit. Die 7 mensis Septembris in Barrio de la China, simul cum confratre

Aloisio Victorio, necatus est.

Fr. Aloisius Victorius (in saeculo: Eusebius Angula Ayala), in Quintanilla

de Valdegovia (Álava) die 14 mensis Decembris anno 1893 natus est; votis

perpetuis se obligavit anno 1921. Operibus educationis deditus, director fuit

etiam quibusdam in collegiis. Religiosus fortis et strenuae indolis, firmus fuit

in explendo suo opere atque in eo ab aliis exigendo. Tempore persecutionis

Matriti morabatur, ubi in Barrio de la China die 7 mensis Septembris anno

1936 est interemptus.

Fr. Braulius Carolus (in saeculo: Ioannes Lucas Manzanares), in Lorca

(Murciae) die 10 mensis Decembris anno 1913 natus, perpetuam emisit pro-

fessionem anno 1921. Destinatus est ad exercendum apostolatum educationis

Matriti (Puente de Vallecas) in schola valde insectata. Ob indolem felicem,

ob bonam agendi rationem et sincerum animum omnium aestimationem sibi

comparavit. Ad eius insuper mortem, quae mense Februario anno 1937

evenit, quodammodo permovit recusatio temptationis contra castitatem a

duabus mulieribus militibus incitatae.

Fr. Eleutherius Romanus (in saeculo: Eleutherius Mancho López), in

Fuentes de Valdepero (Palentiae) die 20 mensis Februarii anno 1898 natus,

perpetuam nuncupavit religiosam professionem anno 1923. Munus educatoris