Acta Apostolicae Sedis - Commentarium Officiale324

CAMPANIENSIS IN BRASILIA

Beatificationis et Canonizationis Servi Dei Francisci de Paula Victor, Sacerdotis

dioecesani (1827-1905)

DECRETUM SUPER VIRTUTIBUS

«Desiderantes vos, cupide volebamus tradere vobis non solum evan-

gelium Dei sed etiam animas nostras, quoniam carissimi nobis facti estis »

(1 Thess 2, 8).

Servus Dei Franciscus de Paula Victor plene Apostoli hoc infinitae

caritatis Dei in mundum summopere secutus est exemplum ac testimonium

praebuit.

Die 12 mensis Aprilis anno 1827 in loco Vila da Campanha da Princesa

intra fines Fodinarum Generalium in Brasilia Franciscus e nigra serva

Laurentia Iustiniana de Jesus natus est, cuius domina ad regenerationis

fontem parvuli infantis fuit matrina. Iam inde a pueritia rerum religiosarum

admodum se praebuit sollicitum, spiritum orationis contemplationisque assi-

due excolens. Sartorum arti initiatus, primitias vocationis ad sacerdotium

Franciscus de Paula percipere incepit et voluntatem, ut presbyteratu

augeretur, prodidit. Adiuncta vero societatis tanto consilio perficiendo valde

videbantur incommoda: regimen, enim, ex iuribus dominorum in servos

constitutum praepollebat, quibus, praesertim nigris, non modo ad cuiuscum-

que munus sive publicum sive civile sive ecclesiasticum aditus, sed studium

protinus prohibebatur.

Afflatus Francisci de Paula in dominae eius et matrinae auxilio atque in

Servi Dei Antonii Viçoso, Episcopi Marianensis, constantia, qui servitutis

abolitionis erat pervicax, secundam invenit facultatem. A sene parocho

Campaniae, ideo, ad studia relatus, Franciscus de Paula in Seminarium Ma-

rianense acceptus est, in quo aliorum Seminarii tironum iniquitates dispari-

tatesque adeo patienter tulit, quorum tamen factus fuit servus, quocirca

humilitatis fortitudinisque gratia eorundem dein omnium adipisci valuit fa-

vorem. Dispensatis, igitur, omnibus canonicis impedimentis, die 14 mensis

Iunii anno 1851, presbyter ordinatus est.

Magna autem pars eorum qui alba candent cute infensius reiciebat nigrum

quendam iam servilis generis presbyterum esse et ideo recusabat immo ab

eodem sanctam Communionem accipere. Cum igitur die 18 mensis Iunii