Congregatio de Causis Sanctorum 325

sequentis anni in civitatem Tres Pontas missus est, ut munere vice parochi

fungeretur, populus christifidelium magno tumultu et summa ei restitit

exceptione. Attamen mansuetudo et patientia tot inveteratissima proterere

valuerunt praeiudicia, ut Servus Dei diuturnitate non modo optime recipe-

retur, sed et ab incolis paroeciae honoraretur.

Immenus amor Iesu Christi cor fuit eius spiritualitatis et vegetum erga

aerumnas vitae fulcimen. Ex huius amoris fonte vires carpsit ad repagula

aberratae humanae mentis discutienda et ad radicem honestioris consortio-

risque societatis provehendam. Curae moderationique animarum exstructio-

nem Collegii sub titulo Sacrae Familiae nuncupati adiunxit, ubi etiam munus

magistri exercuit, qui concessit, ut omnes ad studia accederent et idem

institutionis iter divites cum pauperibus, albi cum nigris sine discrimine

communicare possent. Artis ingenium atque humani cultus provectus prae-

cipui fuerunt fines Servi Dei, qui, singulari sollicitudine motus, aliud etiam

perfecit inceptum, scilicet ecclesiam Deo in honorem Beatae Mariae Virginis

Dominae Nostrae ab Auxilio provehendi.

Fides, caritas et spes interiorem Servi Dei indolem peculiariter exornave-

runt. Vixit, enim, ipse pura in paupertate et exemplo fuit fidelibus ac

praesertim sacerdotibus, qui sancti instar eum putaverunt. Amor Dei, per

caritatem erga proximum effusus, sacerdotalis eius vitae informavit speci-

men. Constans, enim, servitii, patientiae, fortitudinis, temperantiae et pru-

dentiae spiritus magnam elicuerunt admirationem populi, qui dein nullo ob

colorem cutis despectu amplius eum affecerunt. Liturgiam peculiari studio

curavit, quam ut inexhaustum habuit omnis humani ac spiritualis profectus

fontem, et festum quemque sollemniter celebrans actuosam populi participa-

tionem fovit eiusdemque suscitavit institutionem.

Hereditas spiritualis et culturalis, quam Servus Dei tradidit, singularis

loci Tres Pontas finitimorumque facta est species. Quinquaginta annis am-

plius tamquam parochus in loco Tres Pontas gestis, Servus Dei die 23 mensis

Septembris anno 1905 pie in Domino quievit. Fama eius mortis citius

crebruit, cum Franciscus de Paula probatissimos inter clericos Fodinarum

Generalium et tamquam fulgentissimum decus existimabatur totius nationis,

verum speculum virtutis ac pietatis exemplum. Ingens multitudo ad eius

exuvias visendas concurrit, sicut et frequentissimis exsequiis, quibus inter-

fuerunt clerus et populus christifidelium ad veneradum parochum deflendi et

conclamandi indigum. Corpus eius in loco Tres Pontas in ipsius paroeciali

ecclesia tumulatum est.