Acta Apostolicae Sedis - Commentarium Officiale326

Ob indesinentem eius et in dies progredientem sanctitatis famam, Causa

Beatificationis et Canonizationis apud Curiam Episcopalem Campaniensem

in Brasilia instructa est per celebrationem Inquisitionis dioecesanae a die 30

mensis Maii anno 1994 ad diem 31 mensis Maii anno 1995 et Supplementi

Inquisitionis, quod instruendum visum est, a die 12 mensis Iunii ad diem 5

mensis Augusti anno 1998, quorum auctoritas et vis iuridica a Congregatione

de Causis Sanctorum die 18 mensis Decembris anno 1998 probatae sunt.

Positione confecta, disceptatum est, iuxta consuetudinem, an Servus Dei

more heroum virtutes christianas exercuisset. Die 5 mensis Februarii anno

2002 Congressus Peculiaris Consultorum Historicorum habitus est et die 13

mensis Maii anno 2011, prospero cum exitu, Congressus Peculiaris Consulto-

rum Theologorum. Patres Cardinales et Episcopi in Sessione Ordinaria cui

ego, Angelus Card. Amato, S.D.B., praesedi die 17 mensis Ianuarii anno 2012,

audita relatione Em.mi ac Rev.mi Domini Francisci Cardinalis Arinze,

Causae Ponentis, professi sunt Servum Dei Franciscum de Paula Victor vir-

tutes theologales, cardinales iisque adnexas in modum heroum exercuisse.

Facta demum de hisce omnibus rebus Summo Pontifici Benedicto XVI

per infrascriptum Cardinalem Praefectum accurata relatione, Sanctitas Sua

vota Congregationis de Causis Sanctorum excipiens rataque habens, hodierno

die declaravit: Constare de virtutibus theologalibus Fide, Spe et Caritate tum in

Deum tum in proximum, necnon de cardinalibus Prudentia, Iustitia, Tempe-

rantia et Fortitudine iisque adnexis in gradu heroico Servi Dei Francisci de

Paula Victor, Sacerdotis dioecesani, in casu et ad effectum de quo agitur.

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 10 mensis Maii A.D. 2012.

Angelus Card. Amato, S.D.B.

Praefectus

L. e S.

e Marcellus Bartolucci Archiep. tit. Mevaniensis, a Secretis