CASTRIMARIS 89

virilis membri erectionem pati non possit; 2. Caroli virilia ita a natura conformata esse, u t , data etiam membri ere- ctione, sit et maneat verus coitus impossibilis ; idque duplici ex causa, videlicet tum ex enormi praeputii massa, quae impedit quominus virile membrum usque ad muliebre vas pertingere possit, tum ex eiusdem praeputii debilitate, quae maritali congressui omnino se opponit. Est igitur evidens, in talibus conditionibus, impossibilitas consummationis ; nam ibi est vera consummatio impossibilis, ubi est impossibilis verus coitus. Atqui in casu verus coitus haberi non poterat. Ergo vera consummatio fuit omnino et absolute impossibilis.

Duo igitur ex Actis sufficienter et iuridice manent com- probata, idest factum non sequutae consummationis et im- possibilitatem eiusdem obtinendae, datis conditionibus, in quibus Carolus reperiebatur. Ast huiusmodi conditiones tales ne sunt ut sufficienter demonstrent impotentiae perpetui- tatem?

Affirmativam responsionem praebent periti medici. Ast ego, licet profanus, non puto hanc affirmativam responsio- nem esse sufficienter demonstratam. Et re quidem vera, tres sunt principaliores rationes, quibus innituntur periti medici, ut impotentiae perpetuitatem doceant. Aiunt enim 1. longi- tudinem virilis membri non provenire ex cavernosis corpo- ribus, quae esse dicunt parva, tenuia et rigida; sed potius ex abnormi praeputii longitudine ac varicositate ; unde ere- ctionem impossibilem putant; 2. asserunt Carolum hebetem esse, ideoque virilis potentiae incapacem ; 3. demum ex ipsa massa praeputii neque coitum, neque potentiam futuram pos- sibilem agnoscunt.

Sed contra est 1. quod iudicium de cavernosis corporibus certum non praebet argumentum nisi examinentur in statu erectionis, iuxta ea, quae mihi asserta fuerunt a perillustri quodam medico, quem hoc in casu, et hac in re consulendum putavi. Igitur ex hac prima medicorum ratione, ad summum probabilitas, non vero certitudo perpetuae impotentiae deduci potest ; 2. animadverto contra medicorum peritiam, quod ipsi