92 CASTRIMARIS

bardus habebatur; nihilominus, ut patri morem gereret, rite, coram Ecclesia die 16 Decembris 1874 in matrimonium Ca- rolo se coniunxit: itaque condormierunt, sed licet copulam fuerint experti pluries, et iteratis vicibus, nunquam tamen, nec leviter eam perficere potuerunt. Virum enim tali ac tanta frigiditate affectum esse, sponsa cognovit, ut nec mem- brum vel leviter erigere et consequenter nec semen prolifi- cum eiicere unquam potuerit, unde irriti semper et inutiles subsequentes congressus redierunt. Caroli pater, re comperta, Medicos consuluit, pharmaca adhibuit sed frustra, ac tandem, vix credibile, vocata meretrice, coram se, cum ea copulam experiri iussit, sed irrito conatu. Ex his igitur facile digno- scitur Carolum Cler certa absoluteque impotentia antecedenti laborare: ideoque nec permittenda, uti docent Theologi ac Canonistae, ulteriora experimenta, cum ipso iure naturae nefas sit attentare copulam cum impotentia sit aliter certe, et aperte cognita, et probata.

Quid interea de Paulina, quae nec nupta, nec innupta remansit? Elapso septennio a Tribunali civili an. 1881 pe- tiit, obtinuitque dissolutionem contractus, propter impoten- tiam Caroli legaliter seu iudicialiter a Medicis assertam. Sed inde Paulina coeno amore seducta, alteri Viro se dedit, et civile, uti vocant, matrimonium contraxit, et hodie cum eo vivit. Attamen modo conscientiae stimulis agitata vehe- menter optat pacem cum Deo componere, ideo rogat SS. D. N. supplici libello, ut dignetur pronunciare nullitatem matri- monii cum Carolo Cler, qua obtenta se legitime coniungi cum altero poterit.

Ideo modo quaeritur utrum matrimonium inter Carolum Cler, et Paulinam Gambardella nullum, irritumque fuerit ex impedimento impotentiae in viro, et an matrimonium man- serit inconsummatum : sed probata in Viro absoluta impoten- tia inconsummatio plane sequitur.

Ad consequendam veritatem, secundum iura, ad trutinam perpendendae sunt 1 Coniugum confessiones. 2 Testium de- positiones. 3 Peritorum iudicia, seu inspectiones. Si ex hisce