Congregatio de Causis Sanctorum 219

puellis postulantibus ut Institutum ingrederentur, cuius propositum fuit

infantibus in orphanotrophiis assistere, populares scholas gerere, senes et

aegrotos in valetudinariis curare.

Illis annis tamen vexatio regiminis in religionem gradatim increbrescebat.

Novitiatus igitur in Czenstochoviam est translatus; domus autem Varsaviae

et in Zakroczym clausae sunt. Domus mater, simul cum novitiatu, Osvencini

est collocata.

Munera in dies crescebant, sed Serva Dei alta quaesitione spirituali

sustentabatur et confirmabatur, quae exemplum in Beata Maria Virgine

inveniebat, quam potissimum sicut « Perdolentem » contemplabatur, et in

exercitatione heroica virtutum crescebat. Nam Matrem Dei imitans, usque

altius intimam cum Passione Domini in necessitudinem ipsa mergebatur:

constans oratio atque eucharisticus fervor in ea istam caritatis flammam

alebant quae in omnibus eius manifestabatur experientiis. Infatigabilis fuit

in operositate, mitis et serena in difficultatibus, aedificans cotidiana in

consuetudine, prudens et aequa in decisionibus, parata ad sacrificium perso-

nale, amabilis erga proximum.

Primo in capitulo, anno 1901, quamvis aetate provecta, iterum Modera-

trix Generalis est electa. Tribus tamen transactis annis, suadente Beato

Honorato, munus abdicavit, tum ob valetudinis incertas condiciones tum

ut solvendis quibusdam regiminis quaestionibus faveret quae intra commu-

nitatem ortae erant Serva Dei serena cum fiducia in Providentiam orientes

difficultates obivit atque, secundum suae vitae rationem, semper fuit humi-

lis, oboediens et magnanima.

Postremum vitae tempus in Nieszawa (in Poloniae regione Cuiavia-Pome-

rania) vixit, progrediente caecitate, at simul usque fortius augescente

voluntati Dei adhaesione. Ibi die 5 mensis Iunii anno 1905 pie in Domino

obdormivit.

Ob sanctitatis famam, a die 9 mensis Novembris anni 1993 ad diem

15 mensis Iunii anni 1996 apud Curiam archidioecesanam Cracoviensem

Inquisitio est acta, cuius iuridica validitas per Decretum diei 6 mensis De-

cembris anno 1996 a Congregatione de Causis Sanctorum est approbata.

Parata Positione, disceptatum est, ad suetas normas, an Serva Dei virtutes

heroico modo exercuisset. Die 5 mensis Octobris anno 2010 Peculiaris

Consultorum Theologorum Congressus, positivo cum exitu, habitus est. In

Sessione Ordinaria die 6 mensis Decembris anno 2011 Patres Cardinales

et Episcopi, audita relatione Ponentis Causae Eminentissimi Cardinalis