CASTRIMARIS 93

capitibus patebit impotentiam in Carolo fuisse, et esse ante- cedentem, absolutam, perpetuam, matrimonium quoque cum Paulina fuisse et esse nullum, irritumque pariter inferri licebit.

1. Confessio coniugum. - Paulina, quae actrix est, ad examen a Iudice citata in Curia Bariensi praeter ea quae in libello supplici exposuerat, praestito iuramento, perspicue, et sine ambagibus respondit ad interrogationes a vinculi Defen- sore propositas, deponens sine ulla contradictione se post ini- tum cum Carolo matrimonium pluries carnalem copulam fuisse expertam, sed frustra, et inaniter; siquidem ex Sponsi insuperabili frigiditate iste membrum virile nullatenus eri- gere poterat, quod semper torpidum, et iners manebat, unde semen prolificum nec leviter effudisse testata est. Hanc co- pulae inanitatem compulsa identidem repetit, et insuper ad- dit se scire Carolum pharmaca ad se excitandum adhibuisse, sed frustra, et inutiliter. Cum igitur consummatio esset ab- solute impossibilis, separatione facta quoad thorum, nunquam in posterum copula inter eos tentata est. Ex imprudentia vero Parentum Caroli, istius impotentia in omnium cogni- tionem pervenit. Ita Paulina Gambardella in iudicio de- posuit.

Sed audiendus alter coniux, pars principalis, Carolus Cler. Is legaliter citatus in Curia Neapolitana, praestito iuramento factis SS. Evangeliis, in examine interrogatus a vinculi De- fensore plane et sine contradictione Paulinae depositiones confirmavit: nempe se matrimonium non propria, sed Patris voluntate iniisse, et uti videtur, eius officia vir simplex ignorasse. Unde et ipse una cum Sponsa deponit, et candide confitetur copulam cum ea pluries tentasse, sed frustra, ni- hilque obtinuisse; eo quod virile membrum numquam erigere potuerit propter invincibilem frigiditatem. Quod cum pater cognovisset, vocata femina iam corrupta, voluit ut coram se, et ipso docente, coitum cum ista experiretur, et nihilo- minus inane fuit et vanum experimentum hoc, non semel etiam renovatum. Hinc in fine deponit matrimonium absolute